月前約滿無綫後不再續約嘅胡杏兒同徐子珊，離巢後依然有份憑《陪着你走》同《以和為貴》，入圍下月13日舉行嘅《萬千星輝台慶頒獎典禮2015》最佳女主角，但係，數勻晒候選視帝名單，有兩劇在手嘅吳卓羲(《醋娘子》、《梟雄》)，唔單止冇份爭視帝，就連最受歡迎電視男角色，吳卓羲一樣冇提名。
「負皮王」梁烈唯同李國麟都分別憑《八卦神探》及《無雙譜》入圍最受歡迎電視男角色，而喺《醋娘子》擔正，喺《梟雄》中戲份同馬國明相約嘅吳卓羲，卻徹底「被消失」。
對於離巢後徹底被無綫冷待，吳卓羲就話:「冇所謂啦，我會寄望《醋娘子》同《梟雄》攞最佳劇集。」
| 同樣係離巢人，但吳卓羲（小圖）同杏兒（左）仲有子珊嘅待遇，有明顯嘅差別。（劇照） |  吳卓羲同杏兒喺《醋娘子》中有合作（劇照） |  徐子珊憑《以和為貴》角逐視后（劇照） |
 李國麟憑《無雙譜》入圍最受歡迎電視男角色（劇照） |  「負皮王」梁烈唯都有份爭最受歡迎電視男角色（劇照） |
|
鍾意就快D Share啦！
|
|
|
