沈震軒拒加簽無綫 被掟入雪櫃
沈震軒出道以來負面新聞不斷，早前被傳形象太花弗而遭太陽娛樂老闆周焯華下令放入雪櫃，直至日前才被召回隨公司到澳門出席開幕活動才漸露曙光。本來一心向外闖，突遭雪藏，他即改口強調經理人公司是無綫，跟太陽娛樂純粹是電影、音樂上的合作，不過有傳他之前原以為有大靠山，所以拒應無綫加簽長約的要求，因而反遭無綫雪藏，變成兩邊不是人。
前晚沈震軒偕同邵音音、原子鏸及莊思敏等《碟仙碟仙》演員，在中環出席萬聖節派對，他承認在大台冇劇拍：「都係得一個原因，咪等吓囉！解決咗先，嚟嚟去去都係合約問題，𠵱家仲有一年合約，公司兩年前已搵我傾，當時仲有三年約，都係搵我加簽，公司想畀機會我。」而被大台雪藏的他，直言不想被「做死」：「OK嘅！畀時間自己進修，唔想係咁做，做死個artist，自己都想有進步。」他淡定指自己不是第一個經歷這些問題的藝員，所以會靜待事態發展：「傾咗好耐，唔使咁快決定，加上有其他人搵我傾。條件OK㗎，𠵱家市場大咗，傾吓先。」
■沈震軒指現在市場較以往大，可以再傾吓先。
■沈震軒最近一套在無綫播出的劇集是今年3月初《衝線》。劇照
■沈震軒前晚與《碟仙碟仙》演員出席萬聖節派對。
■日前太陽娛樂老闆周焯華帶領被解凍的沈震軒在澳門掃貨。資料圖片
原子鏸谷胸妖后
此外，原子鏸以電影《變種特攻》（X-Men）的妖后造型亮相，不過沒全身化藍妝，她笑說：「驚皮膚受傷，所以唔會化，個樣都冇化晒藍色。」講到舊愛鄧健泓傳婚訊？她說：「吓！係呀！恭喜佢，我哋都好耐冇聯絡。」
採訪：羅慧敏
攝影：陳慧安
■原子鏸驚皮膚受傷，所以沒有塗全身藍色化妝。
|
鍾意就快D Share啦！
|
|
|
