太陽娛樂公司老闆周焯華周旋於正印陳慧玲與女友Mandy Lieu之間，盡享齊人之福，早前佢去倫敦探Mandy兩母女後，隔幾日返港拖實老婆去賀楊受成結婚30周年，11月1日係洗米嫂35歲生日，31號晚佢就出動了周家上下包括父親、姊姊、兒子周柏豪和兩個女兒，一齊喺澳門幫老婆慶祝生日，之後洗米嫂將啲相放上facebook，生日會睇嚟相當熱鬧。
據有份出席嘅嘉賓透露，洗米華和洗米嫂之前為了Mandy Lieu鬧得相當不愉快，幾乎要離婚，但上個月兩個去完澳洲旅行情況明顯有改善，喺洗米嫂生日派對上，兩夫婦表現得好恩愛，又攬又錫，大女仲相當懂得冧父母，錫完阿爸就錫媽咪，搞到洗米華兩公婆好開心。
每年洗米嫂生日，洗米華都會送珠寶或豪宅，今年佢送嘅禮物雖然不名貴，但勝在有心意，洗米嫂收到呢份禮物，表現得比收金銀珠寶還要開心，原來洗米華親自到寵物店挑選了一隻英國短毛貓送給她，前晚佢將一隻灰色小胖胖英國短毛貓送給洗米嫂時，洗米嫂真係既意外又興奮，兩夫妻對住小貓又摸又錫，單係洗米華呢份很了解太太嘅心意，洗米嫂已贏了漂亮一仗。
據知情人士透露，洗米嫂一直都好鍾意貓：「以前佢哋兩公婆都有養貓，但老貓去世之後就唔敢再養，不過每次洗米嫂睇到貓都會忍唔住去逗玩，老公見到都想老婆開心，所以今年生日就諗到送一隻貓畀太太。」除了洗米嫂自己喜歡，佢大女見到呢隻英國短毛貓都相當高興，不時主動去抱同錫呢隻貓。洗米嫂可能覺得老公有自己心，所以佢噚晚對老公顯得特別溫柔，當一家人切完蛋糕，洗米華就情不自禁攬住老婆嚟锡。
舊年周家上下一直擔心洗米嫂會與洗米華離婚，因為自洗米華搭上Mandy之後，經常帶住Mandy周遊列國，完全當老婆冇到，搞到二度有身孕嘅老婆離家出走，日日以淚洗臉，準備同老公離婚，但洗米華很重視家庭生活，唔想兩個女兒喺單親環境長大，所以一直唔同意離婚，而且十分努力去挽救這段婚姻，經過一番努力後終於冧掂老婆唔再有離婚念頭，而且經歷咗咁多事之後，兩個人之間嘅感情比之前仲要好。
| 洗米嫂生日，洗米華為老婆開生日會，仲送上靚貓同深情之吻。 |  一家幾口齊齊整整開生日會，洗米嫂眉開眼笑。 |  周家上下幫洗米嫂慶生 |
 好多壽桃包 |  細女Damiana當然有份幫媽咪慶祝 |  5個月大嘅Damiana好萌好得意 |
 禮物揭盅 |  係隻英國短毛貓 |  好得洗米華同洗米嫂鍾意 |
 大女Virginia同爹哋洗米華咀嘴 |  父女感情真係好 |  Virginia再咀媽咪 |
 知情人士話洗米華同洗米嫂已經雨過天晴 |
|
鍾意就快D Share啦！
|
|
|
