| 估唔到何紫綸同老公都咁怕醜，淨係肯錫面珠仔。 | next 1/1 pre |
 | |
| 一對新人同姊妹團及兄弟團大合照。 | next 1/1 pre |
 | |
| 一對新人好合襯！ | next 1/1 pre |
 | |
| 老公錫完～ | next 1/1 pre |
 | |
| 到老婆錫番老公仔。 | next 1/1 pre |
 | |
| 指定動作合巹交杯！ | next 1/1 pre |
 | |
| 今日大露背好誘人～ | next 1/1 pre |
 | |
| 好姐妹莊端兒都有出席，仲攬攬新娘子送吻。 | next 1/1 pre |
模特兒何紫綸（Ann）與飲食才俊Gary Lam今天在港島香格里拉酒店舉行婚禮，筵開32圍酒席宴請親友，二人共有10位姊妹團及11位兄弟團，身穿「花仙子」造型婚紗和手戴三卡婚戒的她與老公一起亮相切三層結婚蛋糕及合巹交杯，Gary還應記者要求錫Ann面珠5秒，但就因怕醜未有咀嘴！二人還準備了自家品牌的香水及面膜作回禮禮物，為婚禮而推出嘅限量版。
同樣有潔癖
新娘子Ann表示老公Gary家族是經營茶餐廳及物業管理生意，Gary本人是與生意拍檔經營凍肉生意，表示跟老公拍拖兩年，並透露原本沒有跟對方拍拖的意思：「其實之前係朋友嗰陣覺得唔啱架，覺得唔會同佢拍拖，但佢煮嘢食好叻，我同佢又有潔癖，同埋我鍾意佢好準時，佢約咗我會早半個鐘等我，覺得佢好有誠意，加上佢個人好靜，我好嘈，真係一凹一凸。」她又透露婚禮的細節全由老公包辦：「雖然有鬧交。（鬧咩？）啲人點坐，但佢知我工作忙，寧願我唔好插手。」她又謂婚禮的扮靚工作歸自己。
收金器感動
問到今早接新娘環節？她表示對家人送金器給自己送嫁很感動，並表示有點眼腫：「因為我係4姊妹中最細，孻女孻心肝，媽咪同個個家姐都流住淚送我出門。（點玩新郎？）要錫尿片，愛的宣言就用唔相關嘅字嚟組成。（開門利是幾多？）ok，佢哋都話正，滿意。（老公有冇喊？）佢求婚就有喊，依家太緊張，唔敢面對鏡頭。」又透露姊妹團將在晚宴行fashion show，十足派對一樣：「今晚啲酒我試過晒先用。（有咩主題？）紫色為主，因為我個名『何紫綸』，外面影就型，入面就grand。」
兩個夠晒數
問到何時生BB？她表示需要先休息一下：「我明年想去多啲旅行先，想去一個星期。（一星期咁短？）有三日假已經好感恩。（咁度蜜月呢？）都要遲啲，但我想去馬爾代夫，或者老公家鄉加拿大，不過都要下年先去到。（老公有冇投訴？）冇呀，佢知我係事業型，係擔心我健康多啲，話我愈嚟愈瘦，不過佢成日都要飛，我覺得大家小別勝新婚仲好。」她又謂BB是男或女均無所謂：「我鍾意女，大家都有計劃，不過我要調理身體先，因為我有貧血同易頭痛。（諗住生幾個？）兩個夠晒數，但其實都係一個好啲。」至於今晚會否宴請圈中好友？她說：「請咗Xenia（莊端兒），因為我好錫佢，其餘賓客都係我哋雙方屋企人，同埋我生意partner，我諗之後會再搞派對聚會再一齊玩。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
http://www.facebook.com/onccstars
|
鍾意就快D Share啦！
|
|
|
