| 周子揚平安夜宣布分訊，仲爆料話何家對呢段感情施壓。 | next 1/1 pre |
 | |
| 不過佢就力撐舊愛何傲兒係好女仔。 | next 1/1 pre |
藝人何傲兒（Lily）與周子揚屢傳分手，一直有指其父希望為愛女覓得「筍盤」當女婿，因而傳出對有「西貢地王」之稱的周子揚不滿，皆因認為對方家境未達標。
索每月六位數生活費
今日，周子揚透過電話親認「分訊」，更大爆Lily的家姐何傲芝（Gigi），代何家向他苛索每月十至廿萬元生活費，否則強行要他與Lily斷絕交往，之後又要求給予廿多萬元解決稅務問題。問到前後共給予何家多少錢？他卻迴避謂：「唔關呢個問題事，Gigi自己有男朋友，佢冇問對方攞，但要求我畀每月十至廿萬生活費，點解唔畀錢就唔可以一齊？呢個唔係小數目，講緊每月畀錢，如果開始就停唔到，咁樣建立感情係唔健康。」並謂從未正式與何父見面食飯，跟Lily也未發展到談婚論嫁階段。問到何父是否對其不滿？他說：「佢Daddy同Gigi有打過畀我，警告我唔好再同Lily一齊。」
撐何傲兒好女仔
周子揚稱不想讓感情事影響家人：「我諗過努力搵錢，或者做借貸幫佢屋企，但同家人商量後，覺得事態有啲奇怪，所以拒絕咗。（覺得奇怪？）唔清楚Gigi問我攞錢背後嘅最大原因，所以拒絕了。（認為唔關何父和Lily事？）應該係佢哋全家嘅意思，Gigi做代表問我。」那麼是否覺得Lily為錢跟他拍拖？他力撐舊愛：「唔係，佢係個好女仔，佢家人畀嘅壓力太大，我努力過想試吓搵錢幫佢，但呢個唔係一、兩日可以解決到。」
壓力大險抑鬱
他直言「有心無力」，又稱此事令他壓力大到幾乎抑鬱。問到跟Lily有否機會復合？周子揚說：「不夠解決這些錢的問題，應該比較難，他們家太複雜，我應付不了。」對此，Lily表示：「對於不實報道非常關注同唔開心，事件已委託律師跟進，並會以法律途徑追究。」
|
鍾意就快D Share啦！
|
|
|
