今晚《2015年度叱咤樂壇流行榜頒獎典禮》，其中一個矚目點，就係最近嘅人氣王吳業坤，佢今晚大熱摘下叱咤樂壇生力軍金獎，好似上次勁歌咁，喺台下已經喊晒口，一直喊住咁上台。佢上到台都好激動，眼鏡又開始起霧，仲喺上台勁搞GAG:「化妝師畀紙巾我...喊完啦...OK。我真係喊完啦...我驚我...我死頂架...唔係預咗，我TVB比人撩，你唔好撩我得唔得....多謝商台，903 DJ，得o架嘛? 由比賽完咗開始諗住一開始可以唱歌，諗住見到Alfred...我自己都可以有歌(開始勁喊到扯蝦…)疊埋心水諗住等多啲唔同工作(又起霧)...慢慢得囉，究竟啲人當我係一個識唱歌...」台下林欣彤見到坤哥咁樣都喊出嚟，坤哥繼續:「究竟啲人當我唔識唱歌走嚟搞GAG嘅Artist，還是真係一個歌手(又喊...)呢個獎...嗚嗚嗚....我記得一直發夢嚟呢個台，記得我係一個咩人...做咩走嚟呢度呢...我要多謝呢幾年嘅事，一直嘅加埋...多謝TVB(台下嘩)...佢係真嘅呢個，因為佢係一個好多資源嘅地方，畀我去撞板拎經驗，多謝樂小姐(台下嘩)珍姐，唔係「愛．回家」冇咁多人識我嘅音樂...以前嘅經理人照顧我，冇「巨聲」就冇我呢個人，森美同阿田，冇你哋就冇坤哥呢個名，可能大家叫緊我阿James，多謝我唱片公司星娛樂，多謝所有同事。」而樂壇生力軍銀獎由歌手JUDE奪得，銅獎則由今年14歲嘅黃淑蔓奪得。
|
鍾意就快D Share啦！
|
|
|