掃呢頁CODE去手機

2016年1月12日 星期二

【狗仔出更】又撐枱腳﹗超蓮啟山半島拍拖 嘆燭光晚餐 __,超蓮,何超蓮,

有圖有真相,何家千金超蓮撇甩吳克羣後,重新投入戀愛市場的她,身邊兵仔o氹o氹轉,就連城中超級筍盤霍啟山亦成為裙下之臣!上個月尾(12月27日),二人已經俾本報讀者喺廣州捕獲撐枱腳食中菜,事後超蓮同啟山封嘴,反而三太代超蓮解話,話佢兩個只係傾合作,純粹公事。不過奇怪嘅係,今晚《蘋果》記者竟然又見到超蓮同啟山喺半島酒店嘆candlelightdinner。事隔唔夠兩個禮拜,又嚟傾公事?仲要喺半島?又係 ...




其他影片:>>






有圖有真相,何家千金超蓮撇甩吳克羣後,重新投入戀愛市場的她,身邊兵仔o氹o氹轉,就連城中超級筍盤霍啟山亦成為裙下之臣!上個月尾(12月27日),二人已經俾本報讀者喺廣州捕獲撐枱腳食中菜,事後超蓮同啟山封嘴,反而三太代超蓮解話,話佢兩個只係傾合作,純粹公事。不過奇怪嘅係,今晚《蘋果》記者竟然又見到超蓮同啟山喺半島酒店嘆candle light dinner。事隔唔夠兩個禮拜,又嚟傾公事?仲要喺半島?又係單對單?呢勻三太都好難拆!今晩大概7點,有人目睹啟山同超蓮孖實喺尖沙嘴半島酒店一樓嘅Chesa嘆瑞士菜,由於餐廳冇VIP房關係,所以佢哋就同其他客人一樣坐大廳,亦由於佢兩個個樣太易認,附近唔少客人都認得,所以成餐飯,超蓮同啟山都只係排排坐,冇乜親暱動作。不過話晒後生仔女,食飯呢兩個鐘,超蓮同啟山都有傾有講笑唔停!最後食完埋單走人,咁呢啲粗重功夫就梗係要男仔做落到樓,佢哋離奇唔揀正門離開,反而喺側門冇乜人行嘅漢口道行出嚟,行前兩步嘅啟山周圍搵保母車之餘,超蓮亦雷射眼狂掃四周有冇記者,行到路口見到記者時,啟山尷尬笑,不過超蓮就面燶燶。雖然俾記者撞破「蜜事」,但啟山依然不失風度,安排超蓮先上自己保母車,然後自己才上車離開。沿途保母車為撇甩記者,不下一次越過雙白線,險象橫生,過咗隧道去到中環碼頭,超蓮平時坐開嘅白色七人車忽然喺路中心閘住記者架車,跟住啟山架車就消失蹤影!


鍾意就快D Share啦!