現年27歲嘅許亦妮貴為2011年港姐季軍兼最上鏡小姐，身材屬係有料之人，平日打扮好鬼性感，之前有傳佢上年同無綫傾續約時，因為獅子開大口嗌高幾倍人工而被雪，但佢似乎未驚過，早年佢曾同洗米華頭號愛將、太陽集團高層盧啟邦（Andrew）拍拖斷正。許亦妮日前佢先貼出夾胸晒腿相，原來有新男友照顧，今日凌晨12點半，許亦妮同男友去咗澳門新濠天地Club Cubic，與一班好友去玩，棒著名DJ Tiesto場，同場仲有周美欣及陳庭欣(Toby)亦分別約咗朋友。許亦妮一進場已經好high，同男友又攬又拖又抱，男友仲主動輕掃許亦妮個pat，許亦妮幾enjoy落club嘅感覺，話佢喜愛夜蒲，真係絕對冇錯。佢哋等到凌晨2點，DJ Tiesto先開場，許亦妮同男友成程係咁跳，氣氛幾好，Tiesto打碟兩個鐘，許亦妮聽得好興奮，男友亦拖住許亦妮成場走，帶女友見吓啲朋友，男友好似幾熟個場，而且亦酒量幾好，飲香檳杯杯清!當行到其中一張枱，許亦妮男友就同朋友講：「喂!晏啲再過嚟飲!」玩到4點半，其間男友更抱住許亦妮條腰，二人更旁若無人，擁住咬耳仔，玩玩吓，原先同佢哋一齊落嚟嘅同枱友人先走，許亦妮就同男友轉咗去另一張枱玩，玩到6點完場冇晒音樂才肯走。最後，男友拖住許亦妮離場，許亦妮明顯醉咗，腳步浮浮，男友亦都好high，係咁講嘢，二人去到門口就坐的士返去。
|
鍾意就快D Share啦！
|
|
|
