吳奇隆與劉詩詩在峇里島完婚，過程溫馨感人，不過亦被挖返與前妻馬雅舒嘅種種恩怨。
台灣《蘋果》喺峇里嘅酒店遇到吳奇隆媽媽，講到「前新抱」馬雅舒，佢語帶愧疚地說：「對，那時沒有辦婚禮，我們也真的沒有讓人家有那麼好的（待遇）。」
吳奇隆喺小虎隊出道時期，要幫父親孭起8000萬台幣(約2000萬港幣)嘅債務，去到2001年先還得晒，當時佢同馬雅舒相戀，06年結婚，事後馬雅舒曾自爆5.31克，價值600萬台幣嘅「求婚戒」係吳奇隆送，但返番內地節目又話係自己碌卡買，仲話兩人嘅結婚相喺路邊影，似乎好似委屈，兩人最終於09年離婚。
吳媽媽提到吳奇隆上一段婚姻表示：「當時他也不是很好的時候，有拍戲但不是很火，所以也真的沒有給人家一場婚禮，沒有給到那些。」
問吳媽媽同前新抱仲有聯絡？佢話：「不會啦，她也結婚了。」不過2014年雲南大地震，佢都有打電話到馬雅舒老家雲南去慰問人係咪平安，講到吳奇隆似乎習慣將一切都俾愛人，吳媽媽就扮嬲咁話：「我們家小孩都這樣子！」佢話吳奇隆比較唔會諗自己，一個袋都用超耐，兩個哥哥合共5個小朋友嘅教育費同留學費都係由吳奇隆全包起，真係好孝順!
來源 source: http://hk.apple.nextmedia.com
|
鍾意就快D Share啦！
|
|
|
