Rika哭訴險毀容
為拍真人騷可以去到幾盡？影壇新人劉燕妮（Rika）、黎美言（Winkie）及唐紫睿（Hazel）昨宣傳真人騷節目《G-1格鬥會》，Rika暗指在節目中被Winkie狂攻眼和鼻，以致有飛蚊症加手指變形，並爆喊哭訴面上有多處傷痕險毀容！贏出比賽的Hazel亦撐Rika：「我同佢（Winkie）絕對唔係朋友！我多謝佢打到Rika咁傷，激起我鬥志同佢報仇！」勁重火藥味！文：專案組
Rika哭訴被打面恐毀容及斷手，更出現飛蚊症症狀。
Rika（右）和Winkie唔妥到出晒面，受訪時有你冇我咁款！
Hazel大爆電視圈黑幕兼力撐Rika，表示從來沒當Winkie為朋友。
昨日Rika、Winkie和Hazel等在尖沙咀以參賽者身份，出席ViuTV真人騷節目《G-1格鬥會》宣傳活動，該節目自開拍以來不斷傳出女選手受傷消息，其中以Rika傷勢最嚴重。
她昨日爆喊力斥在節目中被打面，恐毀容及斷手，言談間暗示被對手Winkie挑釁，狂攻眼和鼻而留下陰影：「冇話不唔不和，中間有唔愉快、憤怒同埋不受尊重嘅事發生咗。（你不受尊重？）比賽係講體育精神，最唔開心係畀人挑釁！」她更表示左眼被重擊後，至今四個多月仍出現飛蚊症症狀：「我依家左眼睇嘢長期有粒黑色點，醫生話最快幾個月就會好番，如果唔係，就會永遠都係咁！」
錯失拍戲機會
談及手指傷勢，Rika說：「我隻手指係韌帶嚴重撕裂導致骨膜發炎，受傷到依家已經四個半月，依然係咁，真係好擔心！依家好多嘢都做唔到，唔可以拎重嘢，醫生話如果再受傷，就會變成永久性傷害。」為真人騷打生打死，本為爭一紙電影合約，但Rika因傷患已睇住兩部電影白白流失：「因為受傷，我有兩部電影拍唔到，對新人嚟講影響好大。」
對於Rika大爆種種不滿，參賽者之一的Hazel亦慨嘆「黑暗電視圈」：「細個睇電視台嘅明爭暗鬥原來真係有，拍完《格》之後先知原來電視圈真係咁黑暗，個個爭出位。未上台同你講唔會打面，扮晒Friend，點知一上台第一拳就打我塊面，真人騷真係一塊『照妖鏡』，今次真係將七情六欲擺晒上台！」
問到Winkie是否「犯眾憎」，Hazel一開始不願談論對方，但當提到Rika暗示Winkie挑釁，她即力撐Rika，表示從沒當Winkie為朋友，更多謝Winkie打到Rika咁傷，令自己戰意提高幫姊妹報仇：「佢（Winkie）一定唔係朋友，我同Rika係好好朋友，睇到佢咁傷，我覺得非常心痛，亦改變咗我退賽嘅打算。（為佢報仇？）係呀！所以我嗰時操練多咗，我都好多謝佢打到Rika咁傷，提升咗我嘅戰意。」
對於多人傷患不斷，電視台早已幫參賽者投保近千萬，眾女已簽署生死狀，但Rika說：「係有基本嘅保障，但係保險歸保險，好多永久性嘅傷害都依然喺度，都唔可以令我個傷好番。」
投保近千萬 簽生死狀
Rika、Winkie和Hazel打餐懵究竟為乜？原來勝出者可獨得兩萬港元獎金、一份電影合約和象徵格鬥王的金腰帶，而該電影合約在頒給勝出者後即時生效。這部電影將由杜宇航監製及演出，暫名《蔡李佛》，將於下半年開拍。杜宇航昨日稱女對手要有功夫底，故今次格鬥王的「功夫」可大派用場。
至於保險方面，電視台高層金廣城昨受訪時說：「今次投保個保額近千萬元，作為一個保障，保障範圍包括死亡、永久傷害和失去工作能力。（要女仔簽生死狀？）如果唔簽生死狀，保險公司唔受保，其實都係一種形式，唔係要損害佢哋嘅利益，暫時都未有參賽者索償。」
Rika哭訴被打面恐毀容及斷手，更出現飛蚊症症狀。
Rika（右）和Winkie唔妥到出晒面，受訪時有你冇我咁款！
Hazel大爆電視圈黑幕兼力撐Rika，表示從來沒當Winkie為朋友。
|
鍾意就快D Share啦！
|
|
|
