| 鄧健泓話咁多年嚟冇撞過原子鏸。（資料圖片） | next 1/1 pre |
 | |
| 原子鏸（資料圖片） | next 1/1 pre |
 | |
| 鄧健泓日前向石詠莉求婚成功。（資料圖片） | next 1/1 pre |
 | |
| 陳志雲（資料圖片） | next 1/1 pre |
藝人鄧健泓成功向女友石詠莉求婚成功，日前他接受有線節目《星級會客室》專訪，大談面對事業低潮的心態，更開腔回應「迷雲黨」的指控，以及感情路上的經歷。曾被指藉前無綫總經理陳志雲上位的鄧健泓坦言感到難受：「從未試過畀咁多人評頭品足，令我無晒自信！直至做張敬軒演唱會嘉賓，見到有咁多人為我鼓掌，我先明白原來仲有人鍾意我，我要為佢哋去努力。」他坦言感謝陳志雲的幫助，指對方想他生活好些，所以給了不少好機會，二人現時亦不時保持聯絡。
被封「食家」感不快
有指隨着陳志雲離開電視台，鄧健泓亦沒有發展空間，最近更未獲續約。對此他解釋：「呢二十年係無綫養大我，只係緣份同際遇問題，我哋先唔可以再合作。」鄧健泓身邊一直不乏女伴，更被形容為「食家」，他坦言因此而感到不開心：「「『食』字對女性唔尊重，我過往嘅感情都係以年計，從來冇一腳踏兩船，每次拍拖我都係以結婚為目標，奈何唔啱就要分開。」
原子鏸寫信提出分手
提到第一位公開的女朋友原子鏸，他大方表示：「我哋分開係因為人大咗，大家需要嘅嘢唔同。當年佢寫咗封分手信畀我，話我哋係兩個世界嘅人，嗰日係我最傷嘅一日，依家分開咗十二年，我先明白佢講嘅嘢，我哋雖然都係做舞台劇同唱歌，但從來未撞過，原來緣份完咗真係完咗。」
直言未婚妻最適合
說到未婚妻石詠莉，鄧健泓坦言：「搵唔到比佢更適合我嘅人。」他對未婚妻讚不絕口，更不惜自資六位數字幫她出唱片：「我覺得佢唱歌好好聽，只係畀過往形象影響，佢同我嘅經歷好似，都係欠一個機會。」他又指二人有共同興趣：「我哋都鍾意打機、睇恐怖片、同埋留喺屋企，唔鍾意出去玩，我諗我搵唔到比佢更適合我嘅人，我希望同佢有一個完整家庭。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|
