掃呢頁CODE去手機

2016年4月2日 星期六

【真係做完愛‧回家】慘不忍睹 與亞視同日結局 馬家齊跳「開心舞」 __,亞視,

今日除咗係亞視熄機嘅日子,都係無綫劇集《愛·回家》嘅大結局,做到995集終於完喇!之後呢,都係做《愛·回家之八時入席》,不過冇咗馬家陪住大家送飯嘅日子,舊人冇得留低,轉由毛舜筠、黎耀祥擔大旗。講返今日結局嘅《愛》劇,曾創下佳績,收視一度超越黃金檔期劇集,不過種種原因要被結束,喺噚晚嗰集同Anson(張振朗)拉埋天窗嘅樂兒(龔嘉欣),喺微博仍然依依不捨,係咁開post懷念,先係同大Sir(劉丹)示愛 ...


今日除咗係亞視熄機嘅日子,都係無綫劇集《愛·回家》嘅大結局,做到995集終於完喇!之後呢,都係做《愛·回家之八時入席》,不過冇咗馬家陪住大家送飯嘅日子,舊人冇得留低,轉由毛舜筠、黎耀祥擔大旗。講返今日結局嘅《愛》劇,曾創下佳績,收視一度超越黃金檔期劇集,不過種種原因要被結束,喺噚晚嗰集同Anson(張振朗)拉埋天窗嘅樂兒(龔嘉欣),喺微博仍然依依不捨,係咁開post懷念,先係同大Sir(劉丹)示愛:「太多洋蔥,來一點搞笑……愛回家,三大帥哥,叫我如何不愛他們呢?不過我最愛的都是大Sir。」之後佢多謝三位同佢一齊加入嘅何君誠、張振朗同坤哥。至於今晚結局,就係講番噚晚Anson(張振朗)同樂兒(龔嘉欣)仲有馬子妮(蔣家旻)同許冬豪(李豪)齊齊拉埋天窗,返屋企之後發現唔見咗馬家好(徐心怡),馬家出動搵家好,途中仲有其他曾經喺《愛·回家》出現過嘅人出嚟幫手,最後就喺屋企搵返家好,最後就梗係一家人攬埋一舊。最老土嘅係故事完結之後,佢哋由《愛·回家》跳返出嚟做自己,宣傳下星期嘅《愛·回家之八時入席》之後仲走出去一齊跳「開心舞」。一台獨大,你仲可以有咩要求?

大結局喇 唔見咗家好
馬家去咗報警 之後第二輯嘅朋友又幫手搵
全世界都幫手搵家好 最後當然搵得番
老土啲都要宣傳埋《愛·回家之八時入席》
龔嘉欣喺微博係咁出post懷念《愛·回家》 (微博圖片) (微博圖片)

鍾意就快D Share啦!