商場老鼠反轉新都會！傍晚6時許，讀者黎小姐偕3名朋友在葵芳新都會廣場的euro go go餐廳用膳，其間驚見一隻手掌大的老鼠在店內亂竄，「隻老鼠走咗去我哋枱下面，見到之後梗係驚得滯喇，嚇到我哋走咗出門口，連電話都冇拎走」，其他在場的食客亦嚇得不停尖叫，雞飛走狗，有女食客嚇得面青青，跳上枱躲避，並不停大叫「快啲走呀」。黎小姐指，其後有4至5名商場保安走入餐廳，其中一人手持膠兜欲捉老鼠，而euro go go的職員則搬開枱凳，讓保安捉鼠，但老鼠狀似毫不怕人，不停走入座位區亂竄，餐廳內有一半食客嚇得衝出店外，最後老鼠不知所終。黎小姐續稱，由於商場正進行裝修，認為有老鼠在所難免，但覺得餐廳職員處理失當，「完全冇安排啲客人走，剩係掛住捉隻老鼠，冇諗過我哋食客感受」。該餐廳職員向記者表示，澄清老鼠是由商場走入餐廳，而且在店內奔跑一圈後已經離開，不知所終。而對面甜品店甜牙牙的店員稱，該老鼠長約5吋，突然在商場走廊亂竄，先闖進該店，之後再走進euro go go，由於有食客未結帳便嚇至奔離店外，損失約數十元生意，估計近期一樓商場部分商舖進行裝修工程，有老鼠受嚇而現身人前。想睇最新消息？ 即時follow【現場－蘋果突發】fb！http://fb.com/applecitycrime
| 老鼠從商場走入euro go go，在店內奔跑一圈後離開。 |  老鼠闖入商場兩間食肆搗亂。(溫瑞麟攝) |  葵芳新都會商場正進行維修工程。(溫瑞麟攝) |
 葵芳新都會商場正進行維修工程。(溫瑞麟攝) |
來源 source: http://hk.apple.nextmedia.com
|
鍾意就快D Share啦！
|
|
|
