掃呢頁CODE去手機

2016年6月11日 星期六

歐國盃:歐國盃 皮耶世界波!法國險勝響頭炮! __,

皮耶救法國呀!呢位英超韋斯咸罰球王今晨喺2016年歐國盃決賽周揭幕戰打出代表作,全場交出1入球同1助攻,帶領法國喺A組主場以2比1險勝羅馬尼亞,打響頭炮全取3分!皮耶臨完場被調走,High到喊接受球迷歡呼,場面好感人喎!主場出擊嘅法國今仗強陣出擊,由保羅普巴、基沙文與基奧特組成嘅進攻鐵三角,全場畀到唔少壓力客隊。不過,今場首個入波機會卻係來自羅軍,開賽僅4分鐘,客隊前鋒保丹史坦古接應角球離門4碼撞 ...


皮耶救法國呀!呢位英超韋斯咸罰球王今晨喺2016年歐國盃決賽周揭幕戰打出代表作,全場交出1入球同1助攻,帶領法國喺A組主場以2比1險勝羅馬尼亞,打響頭炮全取3分!皮耶臨完場被調走,High到喊接受球迷歡呼,場面好感人喎!

主場出擊嘅法國今仗強陣出擊,由保羅普巴、基沙文與基奧特組成嘅進攻鐵三角,全場畀到唔少壓力客隊。不過,今場首個入波機會卻係來自羅軍,開賽僅4分鐘,客隊前鋒保丹史坦古接應角球離門4碼撞射,僅被法國門神洛里斯嘅超快反應神救擋出,法國先至保住不失。之後主隊企穩陣腳攞番唔少攻勢,14分鐘,基沙文喺門前混戰頂中柱,加上36分鐘,呢位馬體會前鋒又一次後上離門12碼撞射,僅僅貼柱出界,半場雙方互交白卷。

換邊後雙方都提升進攻節奏,47分鐘,客隊射手保丹史坦古突破越位,禁區內車身窩利射斜。9分鐘後,今場表現活躍嘅法國中場皮耶右路傳中,箭頭基奧特疑似犯規力壓羅馬尼亞門將達泰魯辛奴頂入,終為主隊打開紀錄。

以為形勢大好,可惜喺64分鐘,法國老將艾拉禁區內侵犯客隊中場史丹尼奧,被判12碼,保丹史坦古主射一針見血,為羅馬尼亞追和1比1。餘下時間,法國先後換入京士利高文同安東尼馬迪爾加強鋒力,全力搶攻,果然攻到完場前1分鐘,皮耶禁區邊左腳狂轟世界波射入死角,終為法國鎖定2比1勝局,為爭標踏出成功第一步!

彩報歐國盃網站:

https://cup2016-win.on.cc 

全新Facebook足球資訊專頁,彩報同你追實歐國盃!

即去彩報Facebook專頁!

http://bit.ly/1r2BOOF


來源 source: http://hk.on.cc
鍾意就快D Share啦!