張栢芝自從同謝霆鋒離婚之後，佢哋兩個嘅仔謝振軒（Lucas）同謝振南（Quintus）就跟住阿媽住，先後去過加拿大同新加坡生活，但最後佢哋都係情歸香港，返咗香港重新投入生活。噚晚(周五)《蘋果》就係中、上環一帶，捕獲到佢哋三母子嘅影蹤喇，當時佢哋就喺架車上面，Lucas同Quintus就喺為玩弄一把膠匕首互篤，在旁嘅栢芝就顧住玩弄手機，只是間中出口勸阻兩子。其實栢芝同霆鋒離婚後，周不時就會傳出栢芝 ...
張栢芝自從同謝霆鋒離婚之後，佢哋兩個嘅仔謝振軒（Lucas）同謝振南（Quintus）就跟住阿媽住，先後去過加拿大同新加坡生活，但最後佢哋都係情歸香港，返咗香港重新投入生活。噚晚(周五)《蘋果》就係中、上環一帶，捕獲到佢哋三母子嘅影蹤喇，當時佢哋就喺架車上面，Lucas同Quintus就喺為玩弄一把膠匕首互篤，在旁嘅栢芝就顧住玩弄手機，只是間中出口勸阻兩子。其實栢芝同霆鋒離婚後，周不時就會傳出栢芝唔俾兩個仔見謝家嘅人，好似之前細仔Quintus嘅6歲生日，栢芝為個仔搞個生日會，當時謝家就無被邀請，搞到又傳出栢芝唔俾嫲嫲狄波拉見佢哋見個孫，最後栢芝就貼咗拉姑同Quintus慶祝生日嘅相嚟平息呢次風波。風波好像已停。噚晚栢芝又好開心咁帶住兩個囝囝去街街喇，夜晚8點多，栢芝揸車去到中、上環一帶，期間佢將車停咗街邊，之後就不斷玩手機，而坐喺佢身邊嘅Quintus，就不時拎轉個身，撩坐喺後座嘅哥哥Lucas玩，而Lucas就拎住手上嘅膠匕首篤細佬，而Quintus都唔示弱，邊拎住杯汽水同哥哥互打，身旁嘅栢芝見到佢兩兄弟都係玩吓，冇特別咁去調解，繼續玩手機。之後，兩兄弟就越玩越開心，唔知係咪有啲過火喇，媽媽終於出手，勸阻佢哋，但栢芝都係好心平氣和咁同兩個囝囝講，見佢講時都面帶笑容，Lucas同Quintus都好乖豬咁，好似周杰倫咁聽媽媽的話，別讓她受傷。
Lucas玩到好激動（DV圖片） 
（DV圖片） 
Quintus都還手（DV圖片） 
（DV圖片） 
（DV圖片） 