掃呢頁CODE去手機

2016年7月28日 星期四

脹咗收唔番!呂慧儀變長腳肉蟹 [壹週刊 - 1377] __,呂慧儀,M1,

同你吟一吟脹咗收唔番!呂慧儀變長腳肉蟹有收視福將歐陽波比壓陣嘅《一屋老友記》,幫大台爭番啖氣之外,响劇中成日同滕麗名霎氣,搞到家嘈屋閉嘅長腳蟹呂慧儀,更好戲到俾網民封為港女代言人。但現實生活中,長腳蟹冇公主病,亦唔係拜金女。早排《壹》仔喺西貢見到佢同老公黃文迪,同朋友一家大細,响Starbucks飲嘢傾偈,坐咗成個鐘,兩公婆黐到實,長腳蟹不時將個頭挨落老公膊頭;見老婆嗲爆,黃文迪亦好有反應,當眾錫 ...


同你吟一吟

脹咗收唔番!呂慧儀變長腳肉蟹

有收視福將歐陽波比壓陣嘅《一屋老友記》,幫大台爭番啖氣之外,响劇中成日同滕麗名霎氣,搞到家嘈屋閉嘅長腳蟹呂慧儀,更好戲到俾網民封為港女代言人。

但現實生活中,長腳蟹冇公主病,亦唔係拜金女。早排《壹》仔喺西貢見到佢同老公黃文迪,同朋友一家大細,响 Starbucks飲嘢傾偈,坐咗成個鐘,兩公婆黐到實,長腳蟹不時將個頭挨落老公膊頭;見老婆嗲爆,黃文迪亦好有反應,當眾錫啖。

結婚 5年,仔都生埋,仲係咁煙韌!唔同咗嘅,只有長腳蟹對長腳,粗壯晒,長腳蟹變成肉蟹。

未嫁未生嘅呂慧儀,晒 44吋長腿拍沐浴露廣告, fit到漏。

同老公手拖手行去碼頭附近攞車,生完脹晒收唔番嘅長腳蟹,如今已變成肉蟹。

同朋友個細女玩到唔願走嘅黃文迪同呂慧儀(踎低咗),恨女恨到出晒面。

結婚 5年,兩公婆仲係咁痴纏。

撰文:八珍


鍾意就快D Share啦!