2016年7月1日 星期五

【泊喺雙黃線快閃濕平】54歲呂方嬲嬲豬 同女友當街吵大鑊 __,呂方,

天時暑熱,個人燥啲係絕對可以理解嘅。噚晚8點半,呂方揸車同圈外女友現身灣仔春園街,當時呂方將架車泊咗喺油咗雙黃線嘅路邊,女友急急腳落車去旁邊間果汁店買鮮榨果汁解渴。點知好快呂方就發現自己行蹤敗露,就見佢絞低個車窗,叫女友快啲搞掂上車走。起初女友冇理佢叫,照蹺埋雙手等果汁,呂方再哦咗幾嘢,又拉低個太陽擋(重點係明明太陽已經落咗山),又遮嘴又周身擰,坐得好唔安樂咁。之後女友終於上車安撫呂方。見呂方指手 ...




其他影片:>>






天時暑熱,個人燥啲係絕對可以理解嘅。噚晚8點半,呂方揸車同圈外女友現身灣仔春園街,當時呂方將架車泊咗喺油咗雙黃線嘅路邊,女友急急腳落車去旁邊間果汁店買鮮榨果汁解渴。點知好快呂方就發現自己行蹤敗露,就見佢絞低個車窗,叫女友快啲搞掂上車走。起初女友冇理佢叫,照蹺埋雙手等果汁,呂方再哦咗幾嘢,又拉低個太陽擋(重點係明明太陽已經落咗山),又遮嘴又周身擰,坐得好唔安樂咁。之後女友終於上車安撫呂方。見呂方指手劃腳、個樣又嬲爆爆咁,兩個人嘈咗幾句。好彩啲果汁終於搞掂,店家仲好friendly咁拎埋上車畀呂方,呂方急不及待伸手接,等女友一放好袋嘢,即刻揸車閃人。年過半百喇呂方,收下火喇!

呂方噚晚冇理度雙黃線,照泊車畀女友去買果汁,點知鬧交收場。(攝影:徐錦池、吳耀輝) 呂方女友一個人去買嘢飲
一個人喺車內,呂方坐到好似有嘢咬咁,坐唔定 呂方急召喚,女方唯有先上車
女友都跟埋呂方拉低太陽擋 好咯,終於等到,可以走咯。

鍾意就快D Share啦!