掃呢頁CODE去手機

2016年7月1日 星期五

勁哥:樓市勁哥金榜:脫歐又關港樓事? __,脫歐,

最排有強國細路拍片showoff「曬命」,真係估佢唔到,不過講到得人驚,點及得上英國意外脫歐,搞到環球經濟好似坐上Titanic咁浪吓浪吓,啲資金要「搵掟匿」,香港樓市就變咗避難所,但同時又有人驚到賣樓斬纜,真係亂到七彩呀!今個星期樓市勁哥金榜:英脫歐又關港樓事?---------●第3位Oppa劈1球沽嘉亨灣英國脫歐搞到歐美富豪身家大縮水,好似Zara個老闆一日就唔見咗超過60億美元!香港呢邊, ...


最排有強國細路拍片show off「曬命」,真係估佢唔到,不過講到得人驚,點及得上英國意外脫歐,搞到環球經濟好似坐上Titanic咁浪吓浪吓,啲資金要「搵掟匿」,香港樓市就變咗避難所,但同時又有人驚到賣樓斬纜,真係亂到七彩呀!今個星期樓市勁哥金榜:英脫歐又關港樓事?

---------

●第3位 Oppa劈1球沽嘉亨灣

英國脫歐搞到歐美富豪身家大縮水,好似Zara個老闆一日就唔見咗超過60億美元!香港呢邊,有位韓籍Oppa都驚到腳仔軟,一知道脫歐就嗱嗱臨劈價1球,以1,100萬元放咗嘉亨灣層樓!雖然賺少咗1球,但避免咗1大堆未知之數,連燦神都讚佢叻叻豬呀!

---------

●第2位 太古城投資客減60萬走人

脫歐已成定局,投資客見前路唔清,一於走得快好世界!太古城漢宮閣低層H室就減60萬元,去到790萬元沽出。放盤嘅業主係1個投資集團,早前一口氣放曬喺香港所持有嘅60幾個住宅物業。嘩!急急腳走佬咁款,點解呢?

---------

●第1位 馬鞍山之友無懼脫歐成交增

脫歐之後,有人驚到減價出貨,但另一邊就有人好似齊天大聖咁未驚過,仲覺得有熱錢流入會利好樓市,於是就鐘個頭埋去買。搞到脫歐之後,馬鞍山就出現咗14宗私樓成交,佔咗成個區6月嘅交投近3成,當中天宇海有單位低市價1成沽出,聽濤雅苑亦有單位劈足70萬元轉手。睇嚟都幾多買家鍾情馬鞍山,既然係咁,馬鞍山之友就要好好保護呢個區,睇完地標「海之心」,記得執番沙灘啲垃圾喇!

---------

「致富智庫」,領悟理財/職場智慧,一Click改變一世

http://money18.on.cc/wealth

「東網Money18」fb專頁:有討論、有分析,齊來FUN享,贏盡●你Like

http://www.facebook.com/money18


來源 source: http://hk.on.cc
鍾意就快D Share啦!