一個成功減肥嘅女心，背後一定要有一個型到爆嘅男人，如果唔係邊到有動力去減到盡呀！42歲嘅蒙嘉慧成為伊麵太之後就一直好少蒲頭，唔知係咪生活太幸福喇，5月嗰出席活動嗰陣，着白tee加工人褲就出事喇！手臂嘅拜拜肉同穩健嘅下盤表露無遺！(相關新聞﹕ http://bit.ly/29YYtUk )不過咁，今日見到鄭伊健孖住老婆蒙嘉慧喺赤柱現身，YoYo明顯fit咗好多喎！今日下晝大約四點四十五分佢哋現身赤柱廣場，喺一間超級市場入面hea行買下日用品咁。佢哋主要都係睇啲比較健康嘅食物，好似蔬果呀，乳酪呀咁。睇嚟佢哋係要keep住健康生活，廢事物形再反彈喎。後尾行咗陣，佢哋就一人買一支奶俾錢走人。不過伊健都好小心，期間不停係咁四圍望，睇嚟佢唔想俾人影到；而蒙嘉慧就攞部手機出嚟係咁撳。睇真啲原來YoYo玩緊全城都為之瘋狂嘅Pokémon GO呀！不過當時佢就load緊入game，如果唔係就可以睇到佢捕捉小精靈嘅英姿喇！伊健發現記者嗰時，初頭面色有啲不悅，不過YoYo同佢講咗兩句之後，就齊齊望向鏡頭笑一笑，之後就離開超級市場。對於喺超市企定定玩Pokémon GO，蒙嘉慧回應話﹕「我頭先喺赤柱係完全捉唔到小精靈，因為我個電訊商比較差，基本上一開就收唔到GPS，所以係失敗嘅。不過屋企反而有好多精靈出現，所以基本我邊到都唔使去喇！」佢仲話好可惜啱啱先同呢個電訊商簽咗兩年新約，希望佢有所改善
| 採訪、攝影﹕徐錦池、吳耀輝 |  5月出活動YoYo身形相當「強壯」 |  |
 YoYo同伊健今日現身赤柱一間超級市場 |  佢哋主要睇啲比較健康嘅食物 |  停落嚟又睇下 |
 |  停低落嚟原來係為咗打Pokemon Go |  最後買咗盒奶就走人 |
 幾好笑容 |  呢張全身相睇得出YoYo真係fit咗好多 |
|
鍾意就快D Share啦！
|
|
|
