內地男星趙文卓同老婆張丹露結婚10年，兩人育有一對寶貝仔女，今年5月趙文卓宣佈老婆再懷第三胎，o依家臨盆在即嘅張丹露肚大如籮，廿四孝老公趙文卓唔單止停工陪產，日前仲陪老婆剝光豬影噴血大肚寫真，甜蜜滿瀉。今日趙文卓喺微博晒老婆赤裸孕照，留言：「陪產中……老婆辛苦了！終於快熬出頭了！大家別着急，十月我就回去開工幹活了。」張丹露就冧爆回覆：「你最辛苦了，我和孩子們都好暖心，希望一切順利，新戲開工大吉。」相片中兩人全裸上陣，漲奶嘅張丹露身材激凸，要張開手掌遮住兩點，趙文卓就從後攬實老婆，巧妙地遮住咗「小卓卓」，兩人只露出黑、白雙煞股肉。網民紛紛留言：「要流鼻血了！」、「尺度好大，我的天呀！」、「有點辣眼睛」，「這是自己老婆啊，怎麼能這樣，不好不好」、「趙文卓你要了人的命了，太性感啦」據知，趙文卓同老婆嘅金猴BB將於下月中出世。
| 趙文卓今日喺微博貼咗啲同老婆超噴血嘅大肚寫真。（微博圖片） |  |  （微博圖片） |
 （微博圖片） |  （微博圖片） |
來源 source: http://hk.apple.nextmedia.com
|
鍾意就快D Share啦！
|
|
|
