2016年8月19日 星期五

中國女排:【里約奧運】中國女排之神!朱婷表情包爆紅 __,里約奧運,奧運,

朱婷霸氣表情包熱爆網!(美聯社圖片)中國女排今屆奧運勁爭氣,先擊敗金牌熱門巴西,4強再度打出不死精神,不單擊退荷蘭報番分組賽一敗之辱,仲昂然殺入決賽,睇到人血脈沸騰!主力朱婷於4強戰,個人獨取33分,其中去到關鍵第4局,佢接連3次扣殺攞到關鍵1分,之後霸氣慶祝,呢個表情畀國內網民整成表情包,好快就爆紅網絡。於鬥巴西之前,冇人睇好中國女排有望力爭金牌,但球隊上下一心創出奇迹,擊倒巴西令球隊上晒身,今 ...


朱婷霸氣表情包熱爆網!(美聯社圖片)

中國女排今屆奧運勁爭氣,先擊敗金牌熱門巴西,4強再度打出不死精神,不單擊退荷蘭報番分組賽一敗之辱,仲昂然殺入決賽,睇到人血脈沸騰!主力朱婷於4強戰,個人獨取33分,其中去到關鍵第4局,佢接連3次扣殺攞到關鍵1分,之後霸氣慶祝,呢個表情畀國內網民整成表情包,好快就爆紅網絡。

於鬥巴西之前,冇人睇好中國女排有望力爭金牌,但球隊上下一心創出奇迹,擊倒巴西令球隊上晒身,今場贏荷蘭3:1,朱婷成最大功臣。第4局打成4:4時,朱婷第一波攻勢被救,球隊另一次殺球亦被對手打番過嚟。不過朱婷殺到性起,之後連續2次大力扣殺,終於成功贏到1分,佢一個歪咀慶祝,令國內球迷開心到不得了,之後被勁改圖,寫上「打到你服」、「還有誰」、「一起上吧」、「服不服」等等,堅正!西安晚報亦報道呢個表情包,話「女排姑娘朱婷,不愧是本場MVP,攻防球技爆棚,氣場王之蔑視……拿下關鍵一分後這個搖手指表情,你們感受一下!簡直是馬龍、張繼科、林丹上身!」

呢位舊年女排世界盃嘅MVP,喺場上就係中國女排嘅精神領袖,朱婷到今屆奧運發揮超水準,目前總得分同得分效率,都係中國女排嘅第1位,入到決賽要繼續加油呀!

SO東波同你追實體壇每個精彩時刻!

http://on.fb.me/1PWMCFH 


來源 source: http://hk.on.cc
鍾意就快D Share啦!