2016年8月31日 星期三

【獨家有片】無綫肯捧都紅唔起 胡越山認寸:覺得自己得嘛 __,無綫,胡越山,

無綫「銀河十星」胡越山最近被《蘋果》發現喺港男胡㻗嘅爸爸,多年前已經喺幕前打滾,但記得佢嘅唔多,噚日佢喺經營嘅按摩店接受《蘋果》訪問,憶述常年喺無綫嘅歲月,佢話:「當年讀嗰個係動作演員進修班,其實唔識打嘅,係嗰時拍咗啲廣告,跟住有人問有冇興趣,就簽咗入去。」問胡越山當年有冇不憤發展唔理想?佢坦言嗰時一定有咁諗:「以前係有咁諗,人哋講乜唔會聽入耳,因為覺得自己得,有好戚o架,因為覺得自己得嘛!o依家 ...




其他影片:>>






無綫「銀河十星」胡越山最近被《蘋果》發現喺港男胡㻗嘅爸爸,多年前已經喺幕前打滾,但記得佢嘅唔多,噚日佢喺經營嘅按摩店接受《蘋果》訪問,憶述常年喺無綫嘅歲月,佢話:「當年讀嗰個係動作演員進修班,其實唔識打嘅,係嗰時拍咗啲廣告,跟住有人問有冇興趣,就簽咗入去。」問胡越山當年有冇不憤發展唔理想?佢坦言嗰時一定有咁諗:「以前係有咁諗,人哋講乜唔會聽入耳,因為覺得自己得,有好戚o架,因為覺得自己得嘛!o依家梗係會諗係自己問題,根本嗰時未準備好。」佢又大讚鄭伊健同邵仲衡:「佢哋EQ真係好高,無論俾人點話都唔會出聲,所以喺呢行待人接物好重要,我o依家成都同囝囝講。」已經忘記當年同無綫簽咗幾年約,但認無綫有捧佢,只係自己嘅問題,覺得冇乜發展,所以就離開咗,之後就放假,冇錢喇,要搵錢嗰陣就去咗做地產!離開無綫,胡越山去做地產,但因為唔擅長講嘢,足足九個月無開單,cold call講嘢又口窒窒,但正想放棄就俾佢遇到單大生意。佢話:「我嗰時做大坑區,有晚九點幾有個walk in客想買樓,佢第二日真係同埋爸爸嚟,買咗一間七百幾呎嘅樓。」

胡越山話當年無綫捧過佢,不過自己唔爭氣,最終退出娛樂圈。(攝影:沈健程) o依加諗番,會覺得係自己問題。
同期嘅邵仲衡(左)好捱得。 伊健(中)都係高EQ 胡越山(左)同張立基(中)拍過維他奶廣告。
胡越山(右)

鍾意就快D Share啦!