掃呢頁CODE去手機

2016年8月10日 星期三

【背日模Jun】博取Bosco媽歡心!黃宗澤戀澳門賭場女揸fit人 __,Bosco,黃宗澤,

35歲黃宗澤(Bosco)自從同胡杏兒分手後,杏兒就閃嫁,Bosco不時傳出緋聞,早前公開話同合作拍廣告嘅日模Jun瞭解中,更指被影到二人一齊行超市,不過今日有周刊爆Bosco原來瞞住日模同賭場女揸fit人Twin,近日喺朋友圈流出二人頭貼頭、嘟嘴合照,有傳佢哋孖住夜蒲。據報道指,Bosco對新女友Jun都幾好,因為成日要分隔異地,Bosco亦喺沙田寓所附近嘅酒店,租咗間房供二人同居,點知幾個月後 ...




其他影片:>>






35歲黃宗澤(Bosco)自從同胡杏兒分手後,杏兒就閃嫁,Bosco不時傳出緋聞,早前公開話同合作拍廣告嘅日模Jun瞭解中,更指被影到二人一齊行超市,不過今日有周刊爆Bosco原來瞞住日模同賭場女揸fit人Twin,近日喺朋友圈流出二人頭貼頭、嘟嘴合照,有傳佢哋孖住夜蒲。據報道指,Bosco對新女友Jun都幾好,因為成日要分隔異地,Bosco亦喺沙田寓所附近嘅酒店,租咗間房供二人同居,點知幾個月後,Bosco已換畫,與年約三十幾歲嘅「Twin姐」拍拖,Twin為澳門賭場女揸fit人一齊,又係菲律賓長灘島獨家賭場生意嘅營運總監,係中國、印尼混血兒,據知二人喺年前由友人介紹認識,初時以「姐弟」相稱,Bosco口花花最終o氹掂Twin,知情者講Twin同Bosco未拍拖前,一由澳門過香港,一知Bosco喺度就去蠔吧打躉,仲匿喺VIP房撐枱腳。由於Bosco係圈中孝順仔,Twin亦有行「奶奶政策」成功博取Bosco媽嘅歡心,成日買禮物畀Bosco媽,又識o氹長輩開心。雖然同Twin影啲相,頭貼頭咁親密,不過Bosco今日就以電話回覆傳媒話:「呢個係我識咗10幾年嘅契家姐嚟o架,完全係看圖作文」 據知,Bosco至今同日模Jun未分手,Bosco間中仲會帶女友去朋友聚會o忝!而今日報導出街後,有讀者向《蘋果》報料指Bosco新歡Twin姐今年37歲,真名叫趙朗熹,喺澳門只係疊碼仔一名,但經營不善欠落幾百萬街數,更經常向身邊友人借錢。


鍾意就快D Share啦!