鑫鑫一死，胡定欣即刻爆晒seed！
無綫藝人林穎彤（Bella）最近喺劇集《城寨英雄》入面，以萌爆孖辮Look示人，加上劇集背景設計到佢身世非常慘慘豬，仲多次畀人意圖捉去「開苞」，由憐生愛成功升呢做女神！雖然Bella飾演嘅鑫鑫喺上一集成為畀陳展鵬、袁偉豪同胡定欣等主角救咗出城寨，但係依然有唔少人想幫佢「開苞」，所以佢依然係非常危險，而且仲有網民話過多幾集，佢就會畀人輪姦至死，難怪網民都話「萬眾同心姦鑫鑫」。果然，噚晚嗰集，鑫鑫真係畀人輪姦至死，真係沒有最慘，只有更慘！
刀刀中要害
雖然鑫鑫被姦至死嘅戲噚晚終於播出，不過由於「姦鑫鑫」嘅戲只有一秒，令到焦點冇再落到喺鑫鑫身上，而反而係落咗喺「雙刀火雞X黑寡婦X超能煞姬LUCY欣」身上，佢係邊個？咪就係飾演刁蘭嘅胡定欣囉！話說胡定欣見到鑫鑫死得咁慘，激發咗自己爆seed「超能覺醒」搶雙刀，10幾秒之內瘋狂捅人，人哋宇宙最強甄子丹都係一個打十個，「Lucy欣」直頭係一個打廿個，仲要刀刀中要害，真係睇見都覺得痛。
網民笑變飛機場
另外，噚晚嗰集另一個重點係，由於胡定欣「超能覺醒」完之後心跳停咗，袁偉豪同陳展鵬為咗救佢瘋狂打佢心口，最後打醒咗佢。有網民問：「吓？咁都救得番？」梗係啦，主角邊有咁快死喎！不過，由於袁偉豪同陳展鵬真係打得太用力，網民搞笑話就快「揼到刁蘭變飛機場」！
網民有話兒:
Tsui Px Mxx：覺醒真係好恐怖...幾時到小智
Edward Cxxxx：拳佬牙佬輪流揼到刁蘭變飛機場！由收規華發明嘅「心肺復甦」被後來兩位習武之人發揚光大
Shum Yxx：唔死都比（畀）佢兩個揼死
Rico Chxxx： 留名睇小智掉精靈球捉哂d（晒啲）壞蛋
HO Pxx Lxx：等睇胡定欣做黑寡婦
來源 source: http://hk.on.cc
|
鍾意就快D Share啦！
|
|
|
