陳生慶幸有撐傘卸去電鑽衝力，否則後果堪虞。（張世洋攝）
深水埗富昌邨今午天降電鑽，幸當時撐傘檢回一命、僅受輕傷的32歲途人陳先生，憶述驚險一幕時仍猶有餘悸。他指出，當時到上址探望嫲嫲後，落樓見下雨便撐傘而行，詎料「突然個頭畀嘢打中」，雨傘破爛，形容後腦不斷「標血」，頓感暈眩及耳鳴，未知發生何事，只好負傷走入大堂求救，保安員見他成頭血，即時報警召救護車，又取來木櫈讓他坐下休息，期間有多名熱心街坊上前安慰。
從警員口中，陳先生才得悉當時有電鑽從天而降，至於被電鑽抑或斷遮擊傷，他坦言：「我自己都唔知！」指當時只感到遭猛烈撞擊，後腦被扑穿需要縫針，經X光檢查後，相信並無傷及頭骨，醫生替他清洗及包紮傷口後已可出院。但他返家後卻嘔吐大作及有少許頭暈，晚上需到醫院再作檢查。
現在回想，陳慶幸當時走出大廈時有擔遮，否則後果堪虞，對無辜「中頭獎」笑言：「我都唔知叫好彩定唔好彩！」但對有人工作時不慎導致今次意外，他不滿指：「講真有冇事都好，咁樣真係好危險！」
來源 source: http://hk.on.cc
|
鍾意就快D Share啦！
|
|
|
