蕭正楠話佢要喺戲中強姦陳自瑤，佢仲擔心自瑤老公王浩信（紅圈）會睇到驚，認真尷尬。
藝人蕭正楠在將軍澳出席myTV SUPER《巾幗梟雄之諜血長天》「解禁響天下」記者會，謝雪心劇中飾演蕭正楠的奶媽，謝雪心笑謂蕭正楠是飲她的奶水長大。司儀取笑蕭正楠：「我以為你飲翠如嘅！」蕭正楠尷尬笑言：「記者會原本好地地，突然間令人好不安。」
為拍戲唔尷尬
蕭正楠透露在劇中獸性大發，與陳自瑤演夫婦，但BB死後令他失去常性，更強姦陳自瑤，問蕭正楠可擔心王浩信看到強姦戲？他說：「擔心佢老公睇到都驚，都尷尬，同王浩信都熟，唔熟就唔使理啦，哈哈。（怕唔怕女友黃翠如唔鍾意？）拍嗰陣都未識佢，大家都為角色，拍嗰陣女仔都唔尷尬，我又何必尷尬，咪埋對眼唔理。」
角色逢人都姦
蕭正楠自言劇中角色逢人都姦，還有胡杏兒受害，他說：「講我角色充滿獸性，除咗食就係強姦，好重口味。（擔心影響形象？）唔怕，做戲又唔係真，以前黃秋生、湯鎮業都有唔少強姦戲，我之前未做過呢類戲，好嘅演員係需要經歷，但唔想再演，因為拍攝過程，我哋仲攰過女仔，角色經常咆哮，花好多體力，拍完需要時間抽離角色。」
來源 source: http://hk.on.cc
|
鍾意就快D Share啦！
|
|
|
