掃呢頁CODE去手機

2016年9月18日 星期日

二手專題位:睇樓逐呎度:御龍山廚房夠工整 __,

中秋節一家人最啱玩梗係「自家製月餅」,又窩心又Sweet!不過,如果屋企廚房細,就未必可以同朋友一齊玩「整餅」。今期《睇樓逐呎度》帶大家參觀火炭御龍山嘅單位,雖然單位面積連500呎都未夠,但長方形廚房兼連曲尺型廚櫃,工整得嚟布局亦唔錯,幾個人一齊入廚都唔覺逼,就算唔係中秋節,同朋友玩「煮飯仔」亦無妨。今次帶大家去睇嘅御龍山11座低層D室,屬2房間隔,實用面積495方呎,廳房設計方正,實用人士至Li ...




其他影片:>>






中秋節一家人最啱玩梗係「自家製月餅」,又窩心又Sweet!不過,如果屋企廚房細,就未必可以同朋友一齊玩「整餅」。今期《睇樓逐呎度》帶大家參觀火炭御龍山嘅單位,雖然單位面積連500呎都未夠,但長方形廚房兼連曲尺型廚櫃,工整得嚟布局亦唔錯,幾個人一齊入廚都唔覺逼,就算唔係中秋節,同朋友玩「煮飯仔」亦無妨。

今次帶大家去睇嘅御龍山11座低層D室,屬2房間隔,實用面積495方呎,廳房設計方正,實用人士至Like。單位最值得一讚嘅地方係不設玄關位,客飯廳面積達170方呎,長近19呎,配以高約9.75呎樓底,感覺寬敞;再加上大廳盡頭設有露台,令到室內光猛通爽,亦可近望區內市景及遠山景。

至於廚房地方同樣寬敞,面積達42方呎,對於標準兩房戶嚟講相當大,平日一家人可以隨時玩「煮飯仔」,或者中秋齊齊整月餅都完全冇問題!

主人房方面,面積約有74方呎,長約11.48呎,住得鬆動,近門口位更設入牆櫃位,方便擺合,但窗台位深近2.5呎,較為「嘥位」。

御龍山樓齡約5年,離東鐵火炭站只是一街之隔,另有行人天橋直達站口,方便快捷。貴為區內新型住宅,10座物業間隔多樣,提供1,375伙,戶型多元化,景致可分優質的馬場景、山景或火炭工業區景。

火炭為住宅及工業區,欠缺大型商場及康體設施,幸而御龍山設有大型住客會所,涉逾22萬方呎,打造成歐陸宮殿。基本的運動設施應有盡有,如要消閒購物,乘坐一個港鐵站到沙田,可到達大型的新城市廣場購物商場。

世紀21奇豐物業客戶經理鄧永祺指,近月二手市場暢旺,御龍山不少業主叫價進取,上述同類戶型的兩房戶,最平叫價730萬港元。屋苑成交量較年初急升,8月及9月大半月共錄得宗18宗交投,其中11座低層D室,實用面積495方呎,2房間隔,向西北望樓景,以668萬元沽。


來源 source: http://hk.on.cc
鍾意就快D Share啦!