【要保留私隱】伍允龍突然爆料：我同鍾嘉欣係有過關係
2016-09-24 19:57:00 HKT
伍允龍一直唔認同鍾嘉欣拍拖。
伍允龍話同安志杰係好兄弟，大家都經歷咗好多嘢！
伍允龍話同劉佩玥只係好朋友！
一直冇認過同鍾嘉欣拍過拖，只係認係好朋友嘅伍允龍，今日喺商台播出嘅錄音訪問，承認當年同鍾嘉欣嘅戀情，佢話：「兩個人嘅關係係要兩個人去決定，所以我咪唔講咁多嘢囉，關於我自己嘅我一定講，唔想影響到隔籬嗰個人。而且我覺得人同人之間嘅關係都可以保持一個私隱，因為我哋做藝人嘅，真係乜嘢面都俾晒其他人睇0架喇，喊到鼻涕都流埋，或者笑到棚牙都就嚟甩呀，真係乜嘢樣都俾觀眾見晒，我覺得某程度上可以留番啲私隱，唔使同任何人交代。」
主持人再問伍允龍究竟同鍾嘉欣有冇拍過拖？伍就稱:「我覺得唔需要答囉。同埋大家點諗就點諗。因為我同鍾嘉欣係有過關係，依家都係，係朋友關係。咁以往有咩發生過，我覺得保留番得我兩個人知就夠。」見女方已為人母，伍允龍稱:「戥佢關心，始終大家都係朋友，識咗咁多年，佢有喜事，當然戥佢開心，呢個係好正常嘅。」
至於同劉佩玥嘅關係，伍允龍就話：「我哋真係好朋友，因為劇集太深入民心，先搞到觀眾咁留意我哋！」
之不過話晒佢喺娛樂圈做咗10幾年嘢，除咗有安志杰呢個好兄弟之外，伍允龍承認當中有開同唔開心：「之前有好多報紙雜誌不停用奀星嚟形容我，又淨係話我係邊個邊個嘅緋聞男友，嗰陣真係有啲嬲，仲好難受，好彩晶哥(王晶)鼓勵我，叫我唔好理其他人，俾心機做個大明星俾佢哋睇！」佢仲話同。
節目重溫：《1圈圈》星光背後嘉賓：伍允龍講被人叫奀星試過唔開心http://bit.ly/2drQ1mf
延伸睇埋：曾為「奀星」稱號感難受 伍允龍承認與鍾嘉欣有過關係http://bit.ly/2d8Ml8j
來源 source: http://hkm.appledaily.com
|
鍾意就快D Share啦！
|
|
|
