小巴司機(左)被帶署助查，死者遺孀呼籲檢討修路工人安全。(林兆崙/文健雄攝)
九龍塘窩打老道天橋前日發生的奪命車禍，42歲修路工人譚權慰慘被小巴撞死，小巴司機不顧而去。警方至今午2時許，在羅湖出入境管制站拘捕一名姓許(60歲)男子。據悉，有人曾有不小心駕駛及衝紅燈的交通違例記錄，居於上水區。
譚妻得知疑犯落網後，覺得總算還丈夫一個公道，但也是於是無補，因與丈夫已天人永隔「已經返唔到轉頭」。她又認為，涉事小巴司機應「出嚟正面交代，承受返自己嘅錯」，又指：「你(小巴司機)驚我畀時間你，但你驚完就要面對」。
譚妻表示，丈夫突然離世，她與3名兒子均感傷心，她指：「佢係好爸爸好老公……就係佢人品好、勤力、顧家所以嫁畀佢，佢好疼錫啲仔，孤寒自己闊佬啲仔」。譚妻又擔心兒子能否承受喪父之痛，她指：「個大仔已經13歲開始懂事，佢日日返嚟都喊，3個仔無咗老竇，心靈上補唔到，就算我撐到，3個小朋友都唔知撐唔撐到」。
另外，譚妻呼籲小巴公司在聘任司機時，應仔細留意及考慮他們的背景，又認為路政署應檢討是否有足夠措施，保障修路工人的安全。她稱：「我為嗰啲為社會、為市民服務嘅修路工人感到驕傲，佢哋可能學歷唔高，但要日曬雨淋工作，值得有個安全嘅工作環境！……佢（丈夫）賺錢唔多，但當佢話呢條橋或呢條路佢有份整，我都好驕傲，我無後悔嫁畀佢。」
來源 source: http://hk.on.cc
|
鍾意就快D Share啦！
|
|
|
