掃呢頁CODE去手機

2016年10月15日 星期六

m18講場:m18講場:東橫INN唔止可住 仲可投資? __,

東橫INN官方網站去過日本旅遊,熟路嘅,實識JR站附近總有一間喺左近嘅東橫INN(ToyokoInn)。講到東橫INN,唔止可以Book嚟住,仲有得投資,事關聽講佢哋將公開發行債券。東橫INN計劃發行一批4.95億日圓(約3,744萬港元)嘅5年期債券。批債券特色係,回報與下月初(11月1日)喺東京東久留米新開嗰間東橫INN嘅入住率掛鈎。批債券係浮息嘅(即是息率會變),入住率高啲,利息就會高啲。批 ...


東橫INN官方網站

去過日本旅遊,熟路嘅,實識JR站附近總有一間喺左近嘅東橫INN(Toyoko Inn)。講到東橫INN,唔止可以Book嚟住,仲有得投資,事關聽講佢哋將公開發行債券。

東橫INN計劃發行一批4.95億日圓(約3,744萬港元)嘅5年期債券。批債券特色係,回報與下月初(11月1日)喺東京東久留米新開嗰間東橫INN嘅入住率掛鈎。批債券係浮息嘅(即是息率會變),入住率高啲,利息就會高啲。批債券係2021年到期,換言之跨越2020年東京奧運,即是賭埋到時佢哋吸到幾多客。

聽講,入住率有60%就有年息1厘;入住率達全國平均水平(69.5%),年息升至3.5厘;倘入住率達100%,投資者就有如中Jackpot可獲5.5厘回報。對於日日對住負利率嘅日本投資者嚟講,都相當吸引;至於東橫INN本身就被日本評級機構給予BBB信貸評級,為投資級別中第2最低。

查實呢種與入住率掛鈎嘅債券,佢哋內部早已推廣咗近10年,一向屬少數員工嘅「福利」,只不過明年首次公開畀公眾認講咁。佢哋話會喺酒店房同走廊貼Poster宣傳,去開不妨望望。


來源 source: http://hk.on.cc
鍾意就快D Share啦!