女人打起上嚟都真係幾恐怖。
藝人崔碧珈（Anita）、岑麗香（香香）、蔡潔（Jacky）、何佩瑜（Jeana）、鄭欣宜、及何佩珉等，日前合作拍攝由黃永峰監製嘅動作電影《辣警霸王花》。眾位索女於戲內頻頻性感晒出事業線，更上演連場打鬥戲份。
36G崔碧珈慘被群女圍
在一幕泳池浮床搏擊戲裏，眾女齊齊以白色貼身Bra top和紅色短褲仔上陣。其中擁有36G上圍的Anita力壓群芳，相當「胸」猛！她於戲內扮演烏龍傻大姐，慘被眾女圍毆，其驕人上圍慘被人用腳夾擊，更被踩到變晒形，認真慘慘豬！身上負擔甚大的她透露當時不斷於浮床失平衡跌落水，更笑言胸部成為他人保持平衡的「踏腳石」：「我覺得蝦碌㗎！嗰兩個扮反派嘅女仔踩住我上半身，一人一腳，但其實佢哋需要平衡，我哋係手捉住手拍呢場戲，不過今次成個過程拍得好開心！少少辛苦一定有，希望大家都喜歡啦。我哋拍呢場戲差唔多所有演員都出晒嚟打，但因為浮台郁嚟郁去，會有一定難度，我哋拍踢腿、烏低身嘅動作，好多時都NG，好容易唔小心跌低，係一路打一路跌落水，落到水仲要繼續打。」
浮床打到落水
同場的香香則與Jacky於浮床上進行大戰，二人互相撲向對方開打，更由浮床打到落水底，相當激烈！Jacky笑指香香手腳纖幼，令她深怕整傷對方：「我同香香對打，係有好彩，亦有唔好彩。好彩係香香係個非常sweet嘅女仔，同佢相處係好開心！大家夾打鬥、夾做戲都比較有默契，同佢做對手戲好舒服！唔好彩嘅係佢太過嬌滴滴，手手腳腳好幼，我就好驚，死對比香香我都好大隻吓，好驚整到佢。同埋我哋要由浮床打到落水，我哋兩個都濁親幾次。另外，有個水底鏡頭都好講求默契，我哋又要閉氣，又要喺水底扭嚟扭去，難度都高，但出嚟效果就好滿意。」
來源 source: http://hk.on.cc
|
鍾意就快D Share啦！
|
|
|
