唐詩詠話佢同馬國明只係一個劇場，唔知馬國明聽完之後有咩反應呢？
藝人唐詩詠到鑽石山出席閱讀活動，提到男友洪永城被指在楊怡、羅仲謙婚禮上，呷馬國明醋，詩詠說：「吓，乜事呀？冇發現佢哋有接觸喎，我做姊妹行嚟行去（傳佢兩個差啲鏗爆杯？）好戲劇，冇乜可能。（洪永城冇同你提起？）冇喎，佢只係話去婚禮好開心，婚宴上傾咗好多偈。（話你離開婚宴時嬲爆爆）攰啫，做咗一日姊妹攰過拍劇。（會做和事老約飯局，等佢兩個friend啲？）好耐之前諗過約埋一大班人一齊食飯，後來覺得唔需要咁專登。」
向洪永城派定心丸？詩詠：我冇嘢同佢講
問到可會向洪永城派定心丸？詩詠笑言：「我冇嘢同佢講，佢有冇嘢同我講？（洪永城成日對外講結婚計劃？）我冇聽過。（佢係你Mr. Right？）咁遙遠嘅事留番第時先講。（對洪永城有保留？）估到你咁講，隨緣啦，世事有好多變化。（覺得佢唔夠成熟？）又唔好咁話佢，佢都有佢嘅長處，每個人唔同。（馬國明有冇追你？）呢個只係一個劇場嚟啫！」
揚言隨時閃婚
詩詠被問有否計劃自己的婚禮？她說：「講到咁遠嘅？婚宴嗰晚好多人都問過我，我知大家緊張我，仲推我去搶花球，結婚會係我會做嘅事，但未有計劃，我係會突然閃婚嘅人。（會公布婚訊？）睇到時心情同另一半想法，我覺得結婚係自己事，其實唔需要搞咁多嘢，希望有私人空間。」
來源 source: http://hk.on.cc
|
鍾意就快D Share啦！
|
|
|
