熱爆娛樂: 【素顏現身】全力湊B懶理儀容「冇眉娘」伊能靜好Pure _

2016年10月21日星期五

【素顏現身】全力湊B懶理儀容「冇眉娘」伊能靜好Pure __,伊能靜,

其他影片：>>

今年47歲嘅台灣女星伊能靜，唔經唔覺佢同細佢9年嘅秦昊生嘅米粒已經4個月大，目前伊能靜專心留喺屋企照顧囡囡，得閒上吓微博，生活真好寫意。據台灣《蘋果》報道，呢個家嫂前日陪佢奶奶喺台灣行街，唔知係咪湊女嘅工作太過辛苦，素顏上陣嘅伊能靜個樣有啲疲態，加上佢又將頂帽戴得太低，搞到佢要抬高個頭睇嘢，搞到有啲角度睇落都好搞笑。不過佢奶奶一啲都唔介意，見到佢哋行去啲買頭飾嘅地方，奶奶都有幫伊能靜揀，佢哋兩個全程都有講有笑添！跟住佢哋轉咗去睇衫，當然又會邊睇邊研究，揀咗一輪之後，伊能靜好識做咁出錢又出力，離開百貨公司之後，本來佢哋仲諗繼續行，不過因附近啲舖頭已經落晒閘，所以最後返咗屋企。噚日伊能靜喺微博擺咗啲囡囡米粒嘅新相，睇到米粒個樣真係好可愛，有網民覺得好似爹哋秦昊，不過都有人讚佢大個女之後會係個大美人。

台灣蘋果日報圖片	伊能靜同奶奶行街shopping，好孝順喎！ (台灣蘋果日報圖片)	唔知係咪頂帽戴得太低，搞到伊能靜有啲角度都好搞笑。(台灣蘋果日報圖片)
素顏嘅伊能靜，膚色白皙。 (台灣蘋果日報圖片)	呢個表情好有少女味。 (台灣蘋果日報圖片)	(台灣蘋果日報圖片)
唔經唔覺，米粒已經4個月大！	伊能靜:「看到有人說小心你老了醜了，男人會甩了你。而且很多是女性留言。我不知道她們是不是覺得自己老時也會被男人甩？但這樣的思維，完全是女性貶低女性，認為男人選女人全以外貌決定。女人除了外貌，獨立、有思想、生活豐富、溫柔、才華、談吐有味、善良、孝順才是男人能愛一生的理由。」