查看相片
唔少網民取笑為《亂倫II》嘅無綫劇集《巨輪II》，唔經唔覺喺星期日就大結局。喺劇中養父高天鷲（吳岱融飾）多次想侵犯養女高伊娜Nana（陳凱琳飾），好彩每次都有驚無險。其中一幕講到高天鷲喺羅威信（蕭正楠飾）屋企意圖強姦Nana，吳岱融逼真演技，被網民大讚、仲話一個高天鷲救起成套劇等等，不過陳凱琳就被網民話戲屎兼有傳激嬲埋男朋友鄭嘉穎，仲話搞到鄭嘉穎喺片場拍枱兼對導演爆粗。
有報道指陳凱琳試過同鄭嘉穎講《巨輪II》中有一場同蕭正楠嘅裸泳戲碼，鄭嘉穎聽完之後好大反應，叫佢唔好拍，仲話可以幫佢搵監製傾下，但最終陳凱琳成功說服到佢。唔知係唔係驚鄭嘉穎唔鍾意，有指陳凱琳去到臨出街前先同佢及鄭媽媽提及其他重口味劇情，當時嘉穎嘅臉色認真麻麻，不過就冇怪責佢，只係同佢分析接戲嘅利弊得失。
查看相片
查看相片
查看相片
雖然鄭嘉穎喺接受訪問時講過話自己都係演員唔會嬲，理解女友為工作犧牲。不過之後拍新戲《迷》期間，傳出佢開工黑面，仲話佢對住導演爆粗兼拍枱，之後仲罷拍走人，搞到全場o晒咀，同以往nice爆形象嘅鄭嘉穎截然不同，所以唔少人懷疑同女友拍重口味戲有關。
查看相片
來源 source: http://hk.celebrity.yahoo.com
|
鍾意就快D Share啦！
|
|
|
