賭王何鴻燊四房兒子何猷君身邊向來不乏女伴，之前被影到與混血新歡女友打得火熱，但近日又傳與組合少女標本成員袁紫僑（CoCo）撻着，兩人趁着萬聖節，分別化身小丑同小丑女電影情侶造型去萬聖節派對狂歡。不過日前CoCo被問到與猷君發展可能時，她曾表示無機會，但今日CoCo接受《東網》電話訪問時，她終於承認與猷君拍拖。
最初支吾以對
CoCo在電話被追問到與猷君戀情，對於被人目睹他們十指緊扣、咀嘴，最初她支吾以對，並表示因感冒有點不適，她不停依依哦哦說：「我諗緊。」她在電話中沉默了十秒後，問到是否猷君身份令她不便作答，她說：「係囉。（對佢印象如何？）印象幾好嘅。（嗰日係咪3對情侶去玩？）係，我哋幾個成班人去玩，我哋6個人。」
戀情想低調
提到有人見到CoCo與猷君拖到實一實，她忍不住哈哈大笑說：「點答你好呢個問題。（公司唔畀你講？定係猷君畀壓力你？）我唔知點同你講呢件事，因為件事好突然，只不過係玩。（有冇拍拖？）依家發展中。（你覺得佢點？）幾好呀，哈哈！（發展咗幾耐？）唔係好耐，啱啱開始。（打算公開？）呢個到時先算。（玩得開唔開心？）嗰晚都玩得幾開心嘅。（有錫錫？）自己印象中好似就冇，因為畫咗啲嘢喺個嘴度，所以唔會去做呢啲嘢嘅。（之前你透過公司話斬釘截鐵話同佢唔會發展？係咪想發展地下情？）畀時間我諗吓，其實我都諗諗吓嗰日冇咩印象同公司講啲咩，嗰日我玩緊，可能答得好快，唔係好清楚公司問乜。（想低調戀情？）係呀，冇錯。（拍拖想唔講？）唔需要特登去講。（係咪因猷君身份比較特別啲？）都係嘅。（同佢拍拖係咪好大壓力？）咁又冇喎。（因為佢係名人？）唔明點解要有呢個壓力。（因為佢有好高知名度富二代？）咁我又冇睇呢啲，我鍾意佢係因為佢份人好。（你哋點認識？）我哋識咗好耐，有兩、三年，係朋友介紹。（佢追你？）都算自然發展。（有冇信心發展落去最後結婚？）你咁快問呢啲問題。（唔係玩玩吓？）我哋都好認真嘅。（見過長未？）未呀。（有冇同公司講你拍拖？）冇，公司唔會管住或咩嘅。（猷君有冇話唔畀你認？）冇，佢依家唔喺香港，佢都唔係好知呢邊發生緊啲咩事，佢專注自己做嘢，冇特登話唔可以點樣。（發展到咩地步？）呢啲嘢唔好問咁多，我怕醜，呢啲咁私人，普通拍拖咁囉！（你幾耐冇拍拖？）都幾耐吓，都有一段時間。（發展咗兩、三個月？）啱啱開始，就被你哋捉到，咁我哋去Party鍾意影吓相。（恭喜你呀！）多謝。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|