熊黛林(Lynn)今日同郭可盈胞弟郭可頌註冊結婚，榮升做大姑奶嘅郭可盈接受《蘋果》電話訪問，坦言十分開心，見到一對新人終於有情人終成眷屬，仲希望佢哋能夠互相尊重，繼續相愛。提到細佬同Lynn今日註冊，喺電話另一邊都能感受到可盈嘅喜悅，佢話：「今日係好日子，佢哋有情人終成眷屬。今日係註完冊一家人食餐飯，因文龍要拍戲，所以之後會再齊齊整整一家人食飯慶祝。」可盈續說：「大家都搵到相愛嘅人，我祝佢哋可以相愛至白頭到老，見到佢哋都好開心，希望佢哋快啲生BB。」佢話囡囡津津都希望快啲有表妹，津津都好識照顧小朋友。追問佢俾弟婦幾分？佢話：「好高分喎，Lynn係一個好賢良淑德嘅女仔，性格又好好，又溫和又好體恤人，好乖巧。（送乜嘢賀禮？）唔話你知，神秘啦。」郭可盈同林文龍結婚多年，恩愛如昔，問佢有乜嘢夫婦相處之道同一對新人分享吓，可盈笑住講：「都係好老土，希望佢哋互相尊重，唔可以單方面就晒，單方面嘅愛係唔得，真係好老土嗰句，要相敬如儐，互相遷就，單方面就晒唔長久，祝福佢哋繼續相愛。」
| 熊黛林嫁入郭家，同大姑奶郭可盈一家人食餐飯先！ | | |
來源 source: http://s.nextmedia.com
|
鍾意就快D Share啦！
|
|
|
