潮流興復古，講緊嘅係啲劇集演員，唔知點解，後生嗰班……唔夠資深嗰班吸客，搞到大台近年要不時搵番啲舊將回巢幫拖，其中包括喺最近播出嘅《巨輪II》中演奸角高天鷲嘅吳岱融。噚日下晝2點鐘左右，吳岱融喺西九龍中心出席完宣傳活動後，一條友揸車離開，向佐敦方向駛去。不過，似乎佢唔係好熟路，揀咗一條比較上迂迴啲嘅路嚟行。不過條條大路通羅馬，呀！唔係，條條大路通佐敦先啱，總之到就得吳岱融嘅座駕直駛去佐敦偉晴街，停咗喺個咪錶位後，佢行咗去一間水療店前面，但佢冇即刻入店，反而見佢同嗰間舖嘅泊車站外籍職員傾偈，兩人表現熟絡，喺煲煙吹水期間，見吳岱融不時左顧右盼，似乎係想睇吓有冇人認出自己。之後，吳岱融吼準一個冇人見到嘅時機，一支箭咁「標」入水療中心，而同佢傾得好投契嘅泊車職員，就幫佢駛走架車。睇番吳岱融幫襯嗰間水療店，好似話鍾鎮濤、足球明星山度士等好名人都幫襯，又據說呢間係正骨場，咁吳岱融去幫襯「梳乎」下都好正常啫，使乜身有＿咁樣鬼鬼祟祟呀？ 
來源 source: http://s.nextmedia.com
|
鍾意就快D Share啦！
|
|
|
