個個都有興趣知到底欣宜指嘅舊愛係邊個。
歌手鄭欣宜在九展舉行尾場演唱會。欣宜於完騷後受訪，講到在台上喊了九次，她笑言：「我冇數，但好過尋日，其實係軒仔（張敬軒）講嗰番說話我喊得最激動，真係好驚佢嚟唔到，佢特登cancel今日工作嚟撐我，所以好感激佢，嗰日收到佢message話嚟到時我真係喊咗。」講到爸爸鄭少秋很支持她，兩場都來睇，她謂：「佢仲要係自己買飛嚟睇，最sweet係騷前兩星期開始佢每日煲湯我飲，好窩心，尋晚完騷我有聯絡佢，佢話我把聲幾好，頭先佢嚟後台話我今日把聲仲好。」她又笑言在後台很搞笑：「頭先後台爹哋、阿妹、許廷鏗同佢嘅爹哋媽咪都喺度，許廷鏗就話不如我哋兩個family影張相。」
欣宜又謂很不捨得完騷，大讚歌迷反應超好。而講到她在騷上透露跪前男友不要走，對此欣宜表示：「過去呢兩年雖然大家見我好似好順利，但背後有自己面對嘅問題，我覺得要解決呢個問題先可以對得住大家，要勇敢面對問題。」問到所指的舊愛是誰？她謂：「唔講啦。（係咪攝影師？）唔講啦。（大家以為係Mark Ryan？）唔係Mark，多謝大家關心，總之我依家冇事，已經放低咗，預備迎接下一個。（秋官話聽到你咁樣唔舒服？）唔緊要，做大人就係要經歷，下段關係我要係佢跪喺度求我唔好走，所以要專心做好自己，活好每一天，呢個騷係好開始。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
