36歲的熊黛林(Lynn)，於本月27日突然喺微博宣佈：「我們結婚了！」仲貼咗張相，著上簡約白色長裙嘅熊黛林，手蹺住老公郭可頌，在律師樓簽下一紙婚書，經理人阿Kim就幫佢做證婚人。噚晚郭太Lynn婚後首度出席公開活動，笑言係老公突然心血來潮即興提議簽紙，又笑謂：「睇番又係吉日，心諗不如唔好等喇，唔知等到幾時。」講到佢係百億家嫂，Lynn笑道：「冇咁誇張！」更揚言趕結婚係因為趕住生BB，更揚言不設防全力造人。(新聞連結: http://bit.ly/2dXsKoe )今晚輪到Lynn舊愛郭富城現身，舞台王者今晚應邀到圓方出席新片《天亮之前》首映。談到Lynn結婚，城城謂:「我想講，圈裡面無論邊一個辦喜事，我都會衷心恭喜佢，就係咁簡單。我都會祝福佢。」講到話城城51歲生日翌日(即Lynn結婚當天)，有網民目擊城城帶女友Moka（方媛）去買結婚戒指，仲話佢話兩個人一直表現恩愛，仲講埋胎教問題，言之鑿鑿咁話Moka有咗添！但睇番啲相根本睇唔到城城喺邊。(新聞連結: http://bit.ly/2eGbdEW )今日向城城求證番買戒指一事，他未有否認，只謂:「私人嘢唔講喇，就係咁多。」咁係咪要恭喜你喜事近呢？城城就話:「我工作上面有好多嘢可以同大家分享，多謝大家關心我嘅私人嘅世界同感情生活，但係我嘅私人事就鍾意低調。」問城城如結婚會公開嗎？佢話:「呢個係言之尚早嘅事情，我依家就要努力工作先。」又謂工作忙得排到明年年尾，希望可以做多啲唔同角色:「專注再專注工作上面，同埋突破自己。」相關新聞:
50歲郭富城帶小女友見老死 Moka甜笑讚個唱：很好看呀！
http://bit.ly/2d0jCR4
|
鍾意就快D Share啦！
|
|
|
