兩女一男的花生戲碼，原本只係爭風呷醋嬲嬲豬咁樣樣，但大劉劉鑾雄同呂麗君、甘比呢個組合，依家嘅發展，就冇咁簡單。本月15日，大劉在高士美道大宅接受《蘋果》專訪時，表示對呂麗君已然死心；「我成日都講，你就算俾100億佢，佢為1蚊去出賣我，(下略)佢永遠貪得無厭。」反之甘比，大劉說，「甘比從來冇問我要錢，我覺得佢抵錫，所以我自動自覺俾錢佢。」其實訪問中，還有兩個重點，1.大劉親自現身受訪，證明健康良好，力證日前於各大報章頭版刊登之「與呂麗君分手聲明」是他本人的意思，大劉更講明：「呢封聲明，律師俾我睇嗰陣我都覺得太手軟，所以自己執過先至出街。」2.剛接受換腎手術的大劉，趁依家健康OK，即著手「做嘢」，他稱：「我要即刻出聲明，亦要為自己嘅將來做好準備，亦要為自己嘅仔女做好準備，我已經俾咗幾十億佢，呂小姐將來如果要爭取任何嘢，等佢(甘比)同仔女可以同佢打(官司)到底，唔好讓呀！」據知大劉預留的彈藥，高達100億。前年分手，去年簽協議書，當時呂麗君與大劉均同意「不會向對方要求或追討任何資產權益」。其實《蘋果》早於今年8月已獨家披露兩人分手，但大劉等到依家先至出聲明以正視聽，據知係因為收到風呂麗君「做嘢」。今日有周刊報道稱，大劉得悉呂麗君找來曾為一城中名人打爭產官司、向夫家爭逾億贍養費之律師充任軍師，故大劉見精神稍好，馬上發聲明部署迎戰。喺大劉同呂麗君呢個case，兩人雖無一紙婚書，但一齊十幾年，亦有兩名子女，關係已具「事實婚姻」的法律效力。(詳見另文：http://bit.ly/2gslpDB )事出必有因。究竟邊個勝算高？
|
鍾意就快D Share啦！
|
|
|
