身家超過7億，曹央雲絕對係富婆單親媽咪。為咗兩個女，佢推晒所有追求者，乜都以寶貝女為先。
同上市公司主席何永安一齊嗰陣，曹央雲住山頂二萬呎大屋，有廚師、管家同十幾個保鏢。而家獨力照顧兩個女，雖然都住市值過億嘅豪宅，但同以前畢竟有距離。不過曹央雲話開心過以前，佢仲將全副心機用嚟栽培兩個女。
為咗同大女喺校內活動同台演出，佢跟埋個女去學鋼琴。後來細女拉小提琴，佢亦學埋一份，仲試過三母女一齊喺文化中心表演。
今年暑假，三母女喺台中住咗成個月，因為佢想細女試下喺海邊同樹林拉小提琴，感受同大自然一齊嘅聲音。
雖然有人追，但佢全部時間俾晒兩個女，根本唔得閒拍拖，所以咁多年仲係單身。
來源 source: http://s.nextmedia.com
|
鍾意就快D Share啦！
|
|
|
