掃呢頁CODE去手機

2016年11月23日 星期三

【獨家】41歲人妻雪兒有意復出 銅記行街騷零瑕疵長腿 __,雪兒,

「誰輕輕叫喚我…」97年同郭富城一齊拍One2Free廣告嗰個短髮女仔,大家仲記得嗎?若然你係夜鬼,近排又有追開大台深夜播嘅《創世紀2》嘅話,應該會記得佢——雪兒!當初20歲出頭拍廣告嘅雪兒,唔經唔覺,今年已經41歲,6年前嫁俾新加坡GHM酒店集團大股東Zecha之子Ajai做少奶奶嘅佢,已經好耐冇喺香港現身,原來佢最近秘密返咗香港。日前(本月16日)下晝約4點,《蘋果》見到着住短褲仔加白Tee嘅 ...




其他影片:>>






「誰輕輕叫喚我…」97年同郭富城一齊拍One2Free廣告嗰個短髮女仔,大家仲記得嗎?若然你係夜鬼,近排又有追開大台深夜播嘅《創世紀2》嘅話,應該會記得佢——雪兒!當初20歲出頭拍廣告嘅雪兒,唔經唔覺,今年已經41歲,6年前嫁俾新加坡GHM酒店集團大股東Zecha之子Ajai做少奶奶嘅佢,已經好耐冇喺香港現身,原來佢最近秘密返咗香港。日前(本月16日)下晝約4點,《蘋果》見到着住短褲仔加白Tee嘅雪兒,喺銅鑼灣希慎廣場出現,雖然過咗4字頭又做咗人妻,不過雪兒無論個樣同身形都keep得唔錯,加上白滑纖糼長腿勁養眼。當日同雪兒一齊行街嘅,仲有化妝師Annie G以及一個女性友人,三女先到希慎廣場地牢嘅超市。現場所見,雪兒專攻健康同有機食品,最後買咗包小麥同一堆生果。喺超市逗留約半個鐘後,雪兒再轉攻樓上嘅Apple Shop,行去Apple Shop期間,雪兒同友人有講有笑。雖然好耐冇喺香港蒲頭,但沿途都有唔少人認得佢,仲指住佢細細聲講「呢個咪係《創世紀》個女仔!」喺Apple Shop嗰陣,雪兒向店員查詢有關headphone嘅產品,但最終冇買嘢就走人。《蘋果》事後致電雪兒,佢回應話:「老公要做嘢四圍飛,時間多咗,所以想出嚟做吓嘢,唔想同個社會脫節,嚟緊會香港同新加坡兩邊飛!」

攝影:梁繼光 下個月42歲嘅雪兒,個樣冇乜走樣,狀態keep得唔錯。 同好友Annie G喺超市狂掃生果。
喺超市都有途人認得佢。 隻腳好幼! 做咗人妻嘅雪兒,13年返過香港出席品牌活動。(資料圖片)
97年個短髮look,冇得輸!(資料圖片) 當年同城城好鬼襯!(資料圖片) 6年前下嫁酒店集團個仔Ajai,做咗人妻!(資料圖片)

來源 source: http://s.nextmedia.com
鍾意就快D Share啦!