前亞姐曹央雲近日被爆出擁有逾7億資產，斷交7年的公屋老母霍秀菊突然現身爆seed鬧女，日前接受《蘋果》訪問時，哭訴當年如何含莘如苦養大女兒，卻得不到回報。母女決裂，事必有因。曹央雲8年前同上市公司主席何永安分手，兩人相戀時生下兩名女兒，長女13歲，幼女8歲。當年男方撇下曹央雲三母女，由曹央雲獨力養大兩個女。據悉曹央雲不滿危困時，母親從沒伸出援手，令其感無助，兩母女09年便斷絕來往。曹母近日身體欠佳，佢話好掛住曹央雲同一對外孫女，希望可團聚。曹母在已屬自己物業的將軍澳寶林邨公屋接受訪問，憶起母女點滴，悲從中來，哭道：「今次訪問，我事前冇同家人商量，我度氣屈住！我唔係問佢攞錢，佢今時今日有咁嘅生活，都咁對我！」問到曹母可擔心如此數落女兒，會令彼此關係更惡劣，曹母即勞氣地謂：「都去到一個咁嘅地步，我真係忍無可忍。我唔係同佢嗌交，我日日都忍住，忍得好辛苦。」那何以沉默7年始出聲？曹母即謂：「我過去一直忍到就忍，依家忍唔到咪講，我忍到依家，要爆炸喇！」又稱：「我唔係心淡，係心痛，我一渣眼淚，一渣鼻涕養大佢。」曹母眼淚如開水喉，非常激動。訪問中，曹母指摘曹央雲沒有照顧其生活，但據知曹央雲早年供養同母異父胞弟去加國讀書。曹母謂現任丈夫雖然與曹央雲沒有血緣關係，但自幼當她親生女兒看待，知道她喜歡食海鮮，一定去買最靚畀佢食。曹母說：「佢鍾意食魷魚炒西芹，佢次次返嚟食到，都會話『第一啖食落去掂到啲腸好舒服！』，『媽咪』前『媽咪』後。」訪問期間，曹母突然由房中床下底摷出幾件寶物，包括一隻舊手錶、一隻鑽戒同一條碎鑽手鏈，稱是曹央雲以前送：「我以前生日佢有買過金器畀我。」又掏出曹央雲多幀舊照翻看，邊看邊哭。問曹母是否認為寧願女兒沒有錢會開心一點？她劈頭就謂：「今時今日我先唔開心！」
|
鍾意就快D Share啦！
|
|
|
