作為一個司儀，最重要係咩？當然係隨機應變，口齒伶俐唔好講錯嘢都好重要嘅，不過喺噚晚嘅台慶，其中一位司儀陳凱琳就講錯嘢喇。喺康華、馬蹄露、樊亦敏表演完之後，一班司儀就要講番幾句好說話咁，陳凱琳就話：「頭先高踭鞋又高、個台又高，所以話TVB每一個藝人都粉身碎骨，令大家開心。」相信佢係想講奮不顧身，但係一時唔小心就講錯嘢喇。如果話係小錯都冇咁在意，但喺TVB生日嘅大日子，竟然話「TVB每一個藝人都粉身碎骨。」真係唔係咁好。之後Do姐鄭裕玲都有抽一抽陳凱琳，佢話：「做我哋藝員一定要對觀眾負責，如果唔係明明奮不顧身就變成粉身碎骨喇。」其實喺陳凱琳講完之後，呂慧儀都有留意到，仲可以睇到佢口型有講到「粉身碎骨」，而喺Do姐抽陳凱琳水嗰時，朱千雪仲掩住半邊嘴偷笑。陳凱琳事後接受訪問嘅時候，被問到講錯嘢，佢就話：「我講錯咗一句，不過呢啲鬼妹係差唔多，其實都幾可愛吖，粉身碎骨。」問到係唔係因為緊張所以講嘢，佢就話：「其實唔係，因為我真係以為粉身碎骨係啱，我始於對四字詞語唔係好熟識。」陳凱琳仲大讚Do姐，佢話：「當時我喺後台換衫，Do姐都專登入嚟同我講，佢真係一個好好嘅前輩。」
| 呢一個錯誤..... | | |
來源 source: http://s.nextmedia.com
|
鍾意就快D Share啦！
|
|
|