掃呢頁CODE去手機

2016年11月20日 星期日

【粉身碎骨地攝鏡】吳業坤狂抽陳凱琳水 __,吳業坤,陳凱琳,凱琳,

坤坤個表情真係好好笑呀!尋晚台慶,花旦陳凱琳扮到靚靚做主持,本來真係好有新鮮感㗎,但點知鬼妹仔陳凱琳想講「奮不顧身」竟然講成「TVB每一個藝人都粉身碎骨。」話晒尋日係無綫生日,突然咁講梗係冇咁好啦,連佢身經百戰嘅拍檔鄭裕玲(DoDo)都寸爆話:「我哋做藝員,一定要向觀眾負責,唔係呢,明明係『奮不顧身』,就變成『粉身碎骨』喇!」事後陳凱琳就話拍古裝都成日講錯四字成語,睇嚟陳凱琳要好好下苦功學好啲中文 ...




其他影片:>>






坤坤個表情真係好好笑呀!

尋晚台慶,花旦陳凱琳扮到靚靚做主持,本來真係好有新鮮感㗎,但點知鬼妹仔陳凱琳想講「奮不顧身」竟然講成「TVB每一個藝人都粉身碎骨。」話晒尋日係無綫生日,突然咁講梗係冇咁好啦,連佢身經百戰嘅拍檔鄭裕玲(DoDo)都寸爆話:「我哋做藝員,一定要向觀眾負責,唔係呢,明明係『奮不顧身』,就變成『粉身碎骨』喇!」事後陳凱琳就話拍古裝都成日講錯四字成語,睇嚟陳凱琳要好好下苦功學好啲中文先得喇!

呢段事後訪問片,喺《東網電視ontv》播出,吳業坤應該係喺得閒睇番啲娛樂新聞時,見到自己入咗鏡,忍唔住cap低咗呢個畫面放上社交網話:「粉身碎骨地攝鏡。」佢個表情睩大對眼,再加淫淫笑(網友話㗎),唔知以為係拍緊佢呀!坤坤唔止係攝鏡王,仲係抽水王呀!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!