資深女藝人陳曼娜愛女Joie今日出嫁，同上市公司董事並身兼投資公司嘅行政總裁Dicky結婚，今日喺君悅酒店設宴，筵開45席，有唔少圈中人都有出席，包括羅霖、阮兆祥同李浩林等。不過平時性感得嚟又小心嘅羅霖，今晚就失手喇。佢落車嗰陣咁啱有風吹起條高衩裙，搞到走光，仲疑似露毛o添！接受訪問嗰陣，記者讚羅霖件衫幾靚，但係個衩好高疑似走光喎？羅霖話：「我自己一啲都唔擔心，其實條裙入面連住一件好似泳衣咁嘅jumpsuit，走光都唔驚。」佢又話：「呢個設計幾好，入面係一件肉色嘅泳衣嚟嘅，自己事前試身試過好多次。」問到羅霖嘅感情事，佢就話緣份唔強求；不過記者就話o依家人哋等緊佢喎？羅霖就話：「想各方面穩定咗先結婚，工作為先。」咁係咪因為上一段婚姻驚令佢咗？佢話：「呢啲冇得驚嘅，當係一個教訓，所以對婚姻緊慎啲。同埋要顧住3個仔，總之我會為3個仔意願而犧牲感情。」咁係咪3個仔唔想佢結婚呢？羅霖就話唔係。晚上9點半左右，大台高層樂易玲都有現身。
| 攝影：葉君海 | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|
