黃百鳴撐Dicky：唔信舊愛乜都唔知
陳曼娜女婿Dicky新婚即與前度女友密會，圈中好友大感愕然，與Dicky非常老友的黃百鳴坦言，據他認識的Dicky，除太太Joie外，並沒有親密女友：「有嘅都係好多年之前肯定嘅係佢不嬲都好錫太太。（話係前度喎！）應該唔係嘛！佢哋拍拖都唔短日子求婚嗰日我哋成大班人喺度。（個前度睇報紙先知Dicky結婚！）佢哋求婚成年先結婚，如果係冇理由依家先知o架？求婚後呢年唔知？所以我唔係幾相信，不過都會打畀佢問吓！」
而當日亦有出席婚宴的胡楓接受訪問時稱：「唔係啩！曼娜女婿好錫太太，誤會咋？（真係前女友！）咁安慰吓前度都無可厚非，我都唔知點講好，只知呢兩年嚟，Dicky不斷寫情書畀Joie，真係好錫佢。」剛從外地工作回港的羅霖大為吃驚：「我啱啱搭飛機，唔知發生咁大件事，婚宴嗰晚我見佢兩夫妻好恩愛，相信好快會平息。（你識男友有冇叫佢同前度搞清楚關係？）呢啲事好難講，唔會知啲前度點諗，睇嚟今次個前度都係受佢哋結婚刺激，如果同前度保持聯絡，就唔使睇報紙先知佢結婚」至於與陳曼娜多年朋友的薛家燕亦感驚訝：「我會打電話慰問吓陳曼娜，佢個女好乖又叻，我由細睇住佢大，希望快啲冇事，不過我事後睇過條片，都覺得好似有啲預謀嘅感覺。」
來源 source: http://orientaldaily.on.cc
|
鍾意就快D Share啦！
|
|
|