曹眾同鄧梓峰等今日喺灣仔出席「中國餐飲酒店領袖高峰會」，現時擁有100間餐廳嘅曹眾，問到有冇圈中人開餐廳要搵佢取經？曹眾話：「佢哋好巴閉，我打畀馬德鐘，佢話要請我食飯，因為佢開咗間日本餐廳，其實藝人開餐廳亦係一個社交平台。」0依家做咗飲食界女強人嘅曹眾，佢希望將香港嘅甜品帶到世界各地，唔知佢做嘢咁忙，老公又有冇詐型？曹眾話：「我同老公都鍾意食嘢、旅遊，囡囡亦會幫我手煮嘢食。」離開幕前多年，曹眾表示仲有戲癮，問到大台高層曾勵珍有冇搵佢返去拍劇？佢話：「珍姐話『你仲做？大把靚女喇，返去做好你嘅媽咪』，0依家做飲食先發現做藝人唔辛苦，因為飲食有好多嘢要照顧。」此外，曹眾透露聖誕節同新年會去夏威夷，農曆新年會同媽咪同囡囡去印度北線，老公則去印度南線。
| 曹眾做咗飲食界女強人，不過對幕前仲有戲癮！ | | |
| | | |
來源 source: http://s.nextmedia.com
|
鍾意就快D Share啦！
|
|
|
