圈中「凍齡美魔女」，大家數得出61歲金雞百花影后劉曉慶、61歲米雪，養顏已經好勁，目前仍然個個讚佢哋靚，身材亦keep得唔錯，絕對唔輸畀一班姐仔，點知高處未算高，佢哋終於有「對手」喇……呢個對方仲要相當強勁……就係現年71歲嘅潘迎紫!71歲香港女演員潘迎紫(娃娃姐)，當年喺邵氏電影公司出道，1960年代初從影，1984年因喺台灣演《神鵰俠侶》而出名，其後拍中視拍攝知名連續劇，成為1980年代當紅女星，當中最為人知嘅，潘迎紫喺1971年同香港演員陳鴻烈結婚，可惜佢哋喺1979年離婚，前夫陳鴻烈於2009年心臟病發猝逝。被台灣傳媒叫「不老鳳凰」嘅潘迎紫，前年因為遭網民用粗口問候，喺微博消失2年，噚日終於「復出」，有台灣報道就話當時潘迎紫覺得好唔開心決定「閉關」，後來佢知道有大陸朋友要「翻牆」先去到佢個facebook，佢才重返微博。呢次復出，佢仲喺微博貼出好多相，原來佢上年幫保養產品拍廣告，啲相雖然有美圖過，不過就未至於執到好似花姨咁欄杆變形(新聞連結：http://bit.ly/2i3QKN1)，之但係諗吓噃，潘迎紫係71歲，身型確係冇得彈。潘迎紫早年已上中視分享其保養有術嘅「不老秘笈」，長期運動與食蔬果，一周做3日運動，至少2粒鐘，少吃肉、多喝水，戒夜生活同唔打通宵麻雀，保持開朗心態，唔好鑽牛角尖，雖然人生有起落，盡量保持赤子之心。
|
鍾意就快D Share啦！
|
|
|
