自命「桃花」旺盛嘅「廚神」李錦聯，曾喺大台節目《男人食堂》自爆曾經結過婚三次，最近一次就係2013年，同細佢10幾年嘅影音店嘅圈外女友Winnie結婚，當時佢仲請咗成日同佢鬧交嘅「大王」安德尊同呂珊做佢婚宴嘅司儀添！其實李錦聯自90年代，大學畢業後加入無綫，已經不時傳出緋聞，最經典嘅當然係佢同93年港姐余少寶傳過緋聞啦，但女方就當然否認啦，話從來都冇同李錦聯拍過拖，之後余少寶仲嫁埋車神關兆昌嘅胞兄關兆輝，但最後余少寶同關兆輝都係離婚收場。咁講番李錦聯先，佢除咗同余少寶傳過緋聞，仲曾因為同女友鬧交而搞到上差館。是咁的，2011年，當時李錦聯就同酒廊歌手邵敏婷(Rachel)拍拖，1月6日晚上，李錦聯喺Rachel嘅尖沙嘴寓所，有指佢哋因感情事而鬧交，期間更有人將手提電腦掟落街，事後警方以傷人罪拘捕佢哋， 而Rachel仲另涉高空擲物罪名。之後Rachel喺facebook留言喪鬧李錦聯：「 I need to say Goodbye to this dirty cheap poor old man.（我要向這個污穢、低莊的可憐老男人說再見。）」當時佢仲自爆話已經另結新歡( 新聞連結：http://bit.ly/2hsOtro )，但分手唔夠3日，呢對火爆情侶又離奇咁復合，一齊手拖手咁出席晚宴，而李錦聯仲係記者面前主動咁同女友咀嘴。(新聞連結：http://bit.ly/2hzFpUo )同年三月，李錦聯同Rachel一齊到九龍城法院應訊，最後各准自簽一千元，守行為一年。( 新聞連結：http://bit.ly/2gdOCSc )
來源 source: http://s.nextmedia.com
|
鍾意就快D Share啦！
|
|
|
